"قازاۆتوجول" رەسپۋبليكالىق ماڭىزى بار "وسكەمەن – التاي – ۇلكەن نارىن – كاتونقاراعاي – راحمان قاينارى" اۆتوجولىندا قوزعالىس شەكتەلەتىنى تۋرالى ەسكەرتتى، دەپ حابارلايدى "ادىرنا" ۇلتتىق پورتالى.
شەكتەۋ سەۆەرنوە-سەرەبريانسك اۋىلى ۋچاسكەسىنىڭ اراسىنداعى 46-66 كم قاشىقتىقتاعى جولعا قويىلعان. مۇندا 12 قاڭتاردا ساعات 09:00-دە قار كوشكىنىن الدىن الۋ ماقساتىندا جۇمىستار جۇرگىزىلەدى.
"شەكتەۋ بارلىق كولىك تۇرلەرىنە ەنگىزىلدى. جول ۋچاسكەسىنىڭ اشىلۋ ۋاقىتى شامامەن 2025 جىلدىڭ 12 قاڭتارىندا ساعات 15:00-گە بەلگىلەنگەن", – دەپ حابارلادى "قازاۆتوجول".
جۇرگىزۋشىلەرگە جولداردىڭ جاي-كۇيى مەن قوزعالىس شەكتەۋلەرى تۋرالى وزەكتى اقپاراتتى تاۋلىك بويى جۇمىس ىستەيتىن 1403 كولل-ورتالىعىنان الۋعا بولادى.
ۇقساس جاڭالىقتار
