گەرمانيانىڭ سىرتقى ىستەر مينيسترلىگى ەۋرووداق ەلدەرىنە رەسەيدەن تۋىندايتىن گيبريدتىك قاۋىپ-قاتەرلەرگە قارسى شارالاردى كۇشەيتۋدى ۇسىندى، دەپ حابارلايدى "ادىرنا" ۇلتتىق پورتالى.
بۇل تۋرالى Politico ەۋروپالىق باسىلىمى دەرەككوزدەرگە سىلتەمە جاساپ مالىمدەدى.
اقپاراتقا سەنسەك، گەرمانيانىڭ سىرتقى ىستەر ءمينيسترى اننالەنا بەربوك مينيسترلىك دايىنداعان ۇسىنىستاردى تاراتىپ، «ۇيلەستىرىلگەن شارالارعا جول اشۋدى» كوزدەگەن.
گەرمانيا ءسىم رەسەيلىك ديپلوماتتارعا قىسىم جاساۋ ماقساتىندا اككرەديتاتسيا مەرزىمىن قىسقارتۋ جانە قوزعالىس ەركىندىگىن شەكتەۋ تۋرالى ۇسىنىستار ازىرلەگەن.
بۇل ۇسىنىستار كەلەسى اپتادا بريۋسسەلدە وتەتىن ەو-نىڭ سىرتقى ىستەر مينيسترلەرى كەزدەسۋىندە تالقىلانادى.
