جەكسەنبىدە يراننىڭ ورمۇز بۇعازىن باقىلاۋ باسقارماسى بۇل سۋ جولى ارقىلى ساۋدا كەمەلەرىنىڭ ءوتۋى ازىرگە جابىق ەكەنىن مالىمدەدى، دەپ حابارلايدى «ادىرنا» ءتىلشىسى ينتەرفاكسقا سىلتەمە جاساپ.
«اقش قارۋلى كۇشتەرىنىڭ وڭىردەگى سوڭعى زاڭسىز ارەكەتتەرىنە بايلانىستى ورمۇز بۇعازى ارقىلى ترانزيتتىك قاتىناس جاساۋ قازىرگى ۋاقىتتا مۇمكىن ەمەس»، – دەلىنگەن باسقارمانىڭ X الەۋمەتتىك جەلىسىندە جاريالانعان حابارلاماسىندا.
باسقارما وكىلدەرى جاعداي تۇراقتانىپ، تىنىشتىق ورناعاننان كەيىن بارلىق ءوتىنىم بەلگىلەنگەن كەستەگە سايكەس قارالىپ، قاجەتتى رۇقساتتار بەرىلەتىنىن اتاپ ءوتتى.
سونىمەن قاتار ۆەدومستۆو كەمەلەردىڭ ورمۇز بۇعازى ارقىلى وتۋىنە رۇقسات الۋ ءۇشىن وتىنىمدەردى تەك پارسى شىعاناعى سۋ جولدارى باسقارماسىنىڭ رەسمي سايتى ارقىلى بەرۋگە شاقىردى.
ەسكە سالايىق، اقش قارۋلى كۇشتەرىنىڭ ورتالىق قولباسشىلىعى 13 شىلدەگە قاراعان ءتۇنى يران اۋماعىنا جاڭا سوققىلار جاسالعانىن ايتقان ەدى.
