بالا قۇقىقتارى جونىندەگى ۋاكىل دينارا زاكيەۆا باعاناشىلداعى بالالار ۇيىنە قاتىستى مالىمدەمە جاسادى، دەپ حابارلايدى «ادىرنا» ءتىلشىسى.
ول پرەزيدەنت تاپسىرماسى بويىنشا بالالار ءۇيىنىڭ تاربيەلەنۋشىلەرى الماتى قالاسىندا قالىپ، وقۋىن جالعاستىراتىنىن جەتكىزدى. ال مەكەمەنىڭ ءوزى الماتى وبلىسىنان قالا قاراماعىنا وتكىزىلەدى.
«بۇگىن بالالار ءۇيىنىڭ تاربيەلەنۋشىلەرى ەمەس، ومىرلىك قيىن جاعدايعا تاپ بولعان ورتالىقتىڭ بالالارى كوشىرىلدى. ورتالىقتا ومىرلىك قيىن جاعدايعا تاپ بولعان جانە وبلىستىڭ ءارتۇرلى بولىكتەرىنەن كەلگەن بالالار ۋاقىتشا تۇرادى. كوكتەمدە بالالار مەن اكىمدىك اراسىنداعى كەزدەسۋدىڭ قورىتىندىسى بويىنشا ورتالىقتا تۇرىپ جاتقان بالالار مەن مەكەمەنىڭ ءوزى كوشەتىنى شەشىلگەن بولاتىن، بۇل اقپاراتتى مەن كوكتەمدە جاريالاعانمىن. كەشە بۇل تۋرالى وبلىستىق ءبىلىم باسقارماسىنىڭ رەسمي پاراقشاسىندا حابارلادى»،—دەدى ۋاكىل.
زاكيەۆا وبلىس اكىمدىگىنىڭ بالالاردىڭ كوشىرۋ كەزىندە قاۋىپسىزدىكتى قامتاماسىز ەتپەگەنىن مالىمدەدى. ايتۋىنشا، سونىڭ سالدارىنان بۇگىن جول بەرىلمەي̆تىن جاعداي̆ بولعان. بالالار ءۇي̆ىنىڭ تۇلەگى ەسىنەن تانىپ قالسا، ءبىر بالانىڭ اياعى جاراقاتتانعان.
«وسى جاعداي̆ بوي̆ىنشا بالالاردان كەلگەن حابارلامادان كەي̆ىن سوڭعى اپتا ىشىندە بىرنەشە رەت اكىمدىككە جۇگىندىم. الاي̆دا جەرگىلىكتى اتقارۋشى ورگان حاباردار ەتپەي̆، كەلىسىلمەگەن ارەكەتتەردى جۇزەگە اسىردى. بارلىق جاعداي̆بوي̆ىنشا پرەزيدەنت اكىمشىلىگى تەكسەرۋ جۇرگىزەدى، ارناي̆ى توپ قۇرىلدى. وڭىرلىك ۋاكىل بالالارمەن بىرگە. مەن دە بالالارعا بارا جاتىرمىن»،—دەپ تولىقتىردى ول.
ايتا كەتەيىك، بۇگىن پرەزيدەنت تاپسىرماسىنا سايكەس «باعاناشىل» بالالار ءۇيى الماتىدان قوناەۆ قالاسىنا كوشىرىلمەيتىنى بەلگىلى بولدى.
