Bala qūqyqtary jönındegı uäkıl Dinara Zäkieva Baǧanaşyldaǧy balalar üiıne qatysty mälımdeme jasady, dep habarlaidy «Adyrna» tılşısı.
Ol prezident tapsyrmasy boiynşa balalar üiınıŋ tärbielenuşılerı Almaty qalasynda qalyp, oquyn jalǧastyratynyn jetkızdı. Al mekemenıŋ özı Almaty oblysynan qala qaramaǧyna ötkızıledı.
«Bügın balalar üiınıŋ tärbielenuşılerı emes, ömırlık qiyn jaǧdaiǧa tap bolǧan ortalyqtyŋ balalary köşırıldı. Ortalyqta ömırlık qiyn jaǧdaiǧa tap bolǧan jäne oblystyŋ ärtürlı bölıkterınen kelgen balalar uaqytşa tūrady. Köktemde balalar men äkımdık arasyndaǧy kezdesudıŋ qorytyndysy boiynşa ortalyqta tūryp jatqan balalar men mekemenıŋ özı köşetını şeşılgen bolatyn, būl aqparatty men köktemde jariialaǧanmyn. Keşe būl turaly oblystyq bılım basqarmasynyŋ resmi paraqşasynda habarlady»,—dedı uäkıl.
Zäkieva oblys äkımdıgınıŋ balalardyŋ köşıru kezınde qauıpsızdıktı qamtamasyz etpegenın mälımdedı. Aituynşa, sonyŋ saldarynan bügın jol berılmeĭtın jaǧdaĭ bolǧan. Balalar üĭınıŋ tülegı esınen tanyp qalsa, bır balanyŋ aiaǧy jaraqattanǧan.
«Osy jaǧdaĭ boĭynşa balalardan kelgen habarlamadan keĭın soŋǧy apta ışınde bırneşe ret äkımdıkke jügındım. Alaĭda jergılıktı atqaruşy organ habardar etpeĭ, kelısılmegen äreketterdı jüzege asyrdy. Barlyq jaǧdaĭboĭynşa Prezident Äkımşılıgı tekseru jürgızedı, arnaĭy top qūryldy. Öŋırlık uäkıl balalarmen bırge. Men de balalarǧa bara jatyrmyn»,—dep tolyqtyrdy ol.
Aita keteiık, bügın prezident tapsyrmasyna säikes «Baǧanaşyl» balalar üiı Almatydan Qonaev qalasyna köşırılmeitını belgılı boldy.
