الماتى وبلىسىندا تۇراتىن ەرلى-زايىپتى بالالار ءۇيىنىڭ بۇرىنعى تاربيەلەنۋشىلەرىن كەزەكتەسە ۇرىپ-سوعىپ، جۇمىس ىستەۋگە ماجبۇرلەگەن. بۇل تۋرالى الەۋمەتتىك جەلىدە ۆيدەو تارادى، دەپ حابارلايدى “ادىرنا” ۇلتتىق پورتالى.
«زامان نە بولىپ كەتتى؟ بالالار ءۇيىنىڭ تاربيەلەنۋشىلەرىن كىم كورىنگەنگە بەرەتىن بولعان با؟ وسى بالالاردىڭ مەملەكەتتىڭ اسىراۋشىسىنا اقشا تولەنەدى. ولاردى ەشكىم تەكسەرمەيدى دە! ويتكەنى جوعارى جاقپەن بايلانىسى بار ما ەكەن؟ مىنا بالالاردى ۇرىپ-سوعىپ، جۇمىسقا جەگىپ جاتىر»، - دەيدى تelegram-ارناسىنداعى ۆيدەو اۆتورى.
جازبادا بالالار 18 جاسقا تولعاندا اسىراۋشىعا جاردەماقى تولەۋدى توقتاتاتىنى، ال ول ءوز كەزەگىندە ولاردى ۇيىنەن قۋىپ جىبەرەتىنى ايتىلعان. كەيىن قامقورشىلار بالالار ۇيىنەن تاعى 3-4 بالانى الىپ كەتەدى-ءمىس.
اۆتور بالالاردان قاي وتباسىندا تۇرعىسى كەلەتىنىن ەشكىمنىڭ سۇراپ جاتپايتىنىن ايتادى.
الماتى وبلىستىق پوليتسيا دەپارتامەنتىنىڭ ءباسپاسوز قىزمەتى 27 تامىزدا ىلە اۋدانىنىڭ قورعانشىلىق جانە قامقورشىلىق ورگاندارىنا وتباسىلىق ۇلگىدەگى بالالار ءۇيىنىڭ تاربيەلەنۋشىلەرىن ءجيى سوققىعا جىعۋ فاكتىسىنە قاتىستى اقپارات تۇسكەنىن حابارلادى.
«حابارلاما تۇسكەن بەتتە يۋۆەنالدى پوليتسيا قىزمەتكەرلەرى اۋدان اكىمدىگىنىڭ ماماندارىمەن بىرلەسىپ، ءتيىستى تەكسەرۋ جۇمىستارىن ۇيىمداستىردى. تاربيەلەنۋشىلەر ۋاقىتشا «سولنىشكو» بالالار ۇيىنە اۋىستىرىلدى»، - دەپ ءتۇسىندىردى ءتارتىپ ساقشىلارى.
اتالعان دەرەكە قاتىستى ماتەريالدار سوتقا جولداندى. ەرلى-زايىپتىنىڭ بالالاردى قامقورلىققا الۋى نەمەسە ونداي قۇقىقتان ايىرۋ تۋرالى شەشىمدى ارنايى قۇرىلعان كوميسسيا قابىلدايدى.
ۆيدەونى تەلەگرام ارنامىزدان كورە الاسىز.
”ادىرنا” ۇلتتىق پورتالى
