سولتۇستىك قازاقستاندا ايەل ادامنىڭ ءوز قىزىنا پىشاق جاراقاتىن سالعانى ايتىلۋدا، دەپ حابارلايدى "ادىرنا" ۇلتتىق پورتالى.
بۇل تۋرالى بالا قۇقىقتارى جونىندە ۋاكىل دينارا زاكيەۆا حابارلادى. ونىڭ سوزىنشە، 11 جاستاعى قىزدىڭ جاعدايى اۋىر.
الدىن الا مالىمەتكە سايكەس، ايەلدىڭ ءۇي تاپسىرمالارىن ورىنداماعانى ءۇشىن 11 جاستاعى قىزىنا پىشاق جاراقاتىن سالعان. قازىر قىز اۋداندىق اۋرۋحانادان وبلىستىق اۋرۋحاناعا اۋىستىرىلدى.
ء"حالى اۋىر. بۇدان بولەك كوميسسيا قۇرىلىپ، ساراپتاما تاعايىندالدى. اتالعان وقيعا سقو بويىنشا وڭىرلىك ۋاكىلدىڭ باقىلاۋىنا الىندى", - دەپ جازدى زاكيەۆا Instagram-داعى پاراقشاسىندا.
قازىر وقىس وقيعاعا قاتىستى قىلمىستىق ءىس قوزعالعان.
