2026 جىلدىڭ 1 قاڭتارىنان باستاپ قازاقستاندا جاڭا سالىق كودەكسى كۇشىنە ەنەدى. ءماجىلىس سەناتتىڭ ەنگىزگەن 131 تۇزەتۋىن ماقۇلداپ، قۇجات پرەزيدەنتتىڭ قول قويۋىنا جولداندى، دەپ حابارلايدى "ادىرنا".
جاڭارتىلعان كودەكس بىرقاتار الەۋمەتتىك ماڭىزى بار سالالار مەن ەكونوميكانىڭ ءتۇرلى باعىتتارىن قولداۋعا ارنالعان سالىقتىق جەڭىلدىكتەر مەن وزگەرىستەردى قامتيدى.
23 ماۋسىمدا سەنات سالىق كودەكسىن قاراپ، جالپى 131 تۇزەتۋ ەنگىزدى. سونىڭ ىشىندە سەناتورلار شارۋا جانە فەرمەر قوجالىقتارى ءۇشىن جەكە تابىس سالىعىنا پروگرەسسيۆتى شكالا ەنگىزۋدى ۇسىندى. 230 مىڭ اەك-تەن اساتىن تابىسقا 15% مولشەرلەمە قولدانىلادى. قولدانىستاعى 70% جەڭىلدىكتى ەسكەرگەندە، ءتيىمدى مولشەرلەمە 4,5% بولماق.
جوعارى پالاتا دەپۋتاتتارى KASE بيرجاسىندا ساتىلاتىن باعالى قاعازداردان الىناتىن ديۆيدەندتى جەكە تابىس سالىعىنان بواسۋدى ۇسىنعان. بۇل احقو-مەن سالىستىرعاندا سالىق ايىرماشىلىعىن جويۋ ءۇشىن قاجەت.
سونىمەن قاتار تولەم كارتالارى ارقىلى جاسالاتىن وپەراتسيالاردى قوسىلعان قۇن سالىعىنان (ققس) بوساتۋ نورماسى ساقتالادى. 10 مۇمكىندىگى شەكتەۋلى ادامدى جۇمىسپەن قامتىعان كاسىپورىنداردىڭ ساتقان تاۋارى مەن كورسەتكەن قىزمەتى قوسىلعان قۇن سالىعىنان بوساتىلادى. سەناتورلاردىڭ ۇسىنىتىن تولىق مىنا جەردەن وقۋعا بولادى.
سونىمەن قاتار ءماجىلىس دەپۋتاتى اسحات ايماعامبەتوۆ سالىق كودەكسىنىڭ قابىلدانۋىنا بايلانىستى بىرقاتار ماڭىزدى وزگەرىستەر ەنگىزىلگەنىن جازدى. ولار حالىقتىڭ الەۋمەتتىك جاعدايىن جاقسارتۋعا جانە الەۋمەتتىك ماڭىزى بار سالالاردى قولداۋعا باعىتتالعان.
- الەۋمەتتىك ماڭىزى بار ءدارى-دارمەكتەر قوسىلعان قۇن سالىعىنا بوساتىلادى
ونكولوگيالىق، ورفاندىق، ديابەت، پسيحيكالىق جانە اۋتويممۋندىق اۋرۋلاردى ەمدەۋگە ارنالعان ءدارى-دارمەكتەرگە 0% ققس مولشەرلەمەسى قولدانىلادى. بۇل ولاردىڭ باعاسىنىڭ وسۋىنە جول بەرمەيدى. - الەۋمەتتىك مەديتسينالىق قىزمەتتەر ققس- سالىنبايدى.
ارنايى ءتىزىم بويىنشا الەۋمەتتىك اۋرۋلارعا شالدىققان ازاماتتار ءۇشىن اقىلى مەديتسينالىق قىزمەتتەردىڭ باعاسى سالىق ەسەبىنەن قىمباتتامايدى. - گوبمپ جانە ءمامس اياسىنداعى مەديتسينالىق قىزمەتتەر مەن ءدارى-دارمەكتەر دە ققس-تان بوساتىلادى
مەملەكەت كەپىلدىك بەرگەن مەديتسينالىق كومەك شەڭبەرىندەگى بارلىق قىزمەتتەر مەن دارىلەر سالىقتان تولىق بوساتىلدى. سونىمەن قاتار ممپورتتىق باعالار مەن ساتۋ باعاسى سالىستىرىلىپ، دەنساۋلىق ساقتاۋ مينيسترلىگى باعانىڭ نەگىزسىز ءوسۋىن قاداعالاي الادى. - كىتاپتار ققس-تان بوساتىلادى
وتاندىق باسپا ونىمدەرىن قولداۋ جانە كىتاپتىڭ قولجەتىمدىلىگىن ارتتىرۋ ماقساتىندا بۇل ونىمدەرگە قوسىلعان قۇن سالىعى الىنبايدى. - قارجى قىزمەتتەرىنە سالىق سالىنبايدى
بانك اۋدارىمدارى مەن تولەم كارتوچكالارى ارقىلى جۇزەگە اسىرىلاتىن وپەراتسيالار ققس-پەن اۋىرلانبايدى. - ەنداۋمەنت قورلارى ءۇشىن تولىق سالىق جەڭىلدىگى قاراستىرىلعان
الەۋمەتتىك جانە ءبىلىم بەرۋ جوبالارىن قارجىلاندىرۋمەن اينالىساتىن قورلارعا سالىناتىن سالىق الىنىپ تاستالدى. - ينۆەستيتسيادان تۇسەتىن ديۆيدەندتەرگە سالىق سالىنبايدى
جەكە تۇلعالاردىڭ اكتسيالاردان تۇسەتىن تابىسى سالىقتان بوساتىلدى. بۇل شارا IPO-عا قاتىسۋدى ىنتالاندىرۋعا باعىتتالعان. - وتاندىق باسپا باسىلىمدارىنا ققس مولشەرلەمەسى 10% دەڭگەيىندە بەلگىلەندى
گازەت-جۋرنال سەكىلدى ونىمدەردىڭ باعاسى تومەندەتىلگەن سالىق مولشەرلەمەسى ەسەبىنەن قولجەتىمدى بولادى.
ودان بولەك، دەپۋتات قابىلدانباعان ۇسىنىستار دا بار ەكەنىن اتاپ ءوتتى. ولار قاتارىندا بۋكمەكەرلىك كەڭسەلەر مەن كازينولارعا سالىقتى كوتەرۋ، ترانسماي قوسىلعان ونىمدەرگە اكتسيز ەنگىزۋ جانە مادەنيەت پەن الەۋمەتتىك قىزمەت سالاسىنداعى ۇيىمداردى كورپوراتيۆتىك تابىس سالىعىنان بوساتۋ ۇسىنىستارى بار. بۇل باعىتتا جۇمىس جالعاساتىن بولادى.
