2026 jyldyŋ 1 qaŋtarynan bastap Qazaqstanda jaŋa Salyq kodeksı küşıne enedı. Mäjılıs Senattyŋ engızgen 131 tüzetuın maqūldap, qūjat Prezidenttıŋ qol qoiuyna joldandy, dep habarlaidy "Adyrna".
Jaŋartylǧan kodeks bırqatar äleumettık maŋyzy bar salalar men ekonomikanyŋ türlı baǧyttaryn qoldauǧa arnalǧan salyqtyq jeŋıldıkter men özgerısterdı qamtidy.
23 mausymda Senat Salyq kodeksın qarap, jalpy 131 tüzetu engızdı. Sonyŋ ışınde senatorlar şarua jäne fermer qojalyqtary üşın jeke tabys salyǧyna progressivtı şkala engızudı ūsyndy. 230 myŋ AEK-ten asatyn tabysqa 15% mölşerleme qoldanylady. Qoldanystaǧy 70% jeŋıldıktı eskergende, tiımdı mölşerleme 4,5% bolmaq.
Joǧary palata deputattary KASE birjasynda satylatyn baǧaly qaǧazdardan alynatyn dividendtı jeke tabys salyǧynan boasudy ūsynǧan. Būl AHQO-men salystyrǧanda salyq aiyrmaşylyǧyn joiu üşın qajet.
Sonymen qatar tölem kartalary arqyly jasalatyn operasiialardy qosylǧan qūn salyǧynan (QQS) bosatu normasy saqtalady. 10 mümkındıgı şekteulı adamdy jūmyspen qamtyǧan käsıporyndardyŋ satqan tauary men körsetken qyzmetı qosylǧan qūn salyǧynan bosatylady. Senatorlardyŋ ūsynytyn tolyq myna jerden oquǧa bolady.
Sonymen qatar Mäjılıs deputaty Ashat Aimaǧambetov Salyq kodeksınıŋ qabyldanuyna bailanysty bırqatar maŋyzdy özgerıster engızılgenın jazdy. Olar halyqtyŋ äleumettık jaǧdaiyn jaqsartuǧa jäne äleumettık maŋyzy bar salalardy qoldauǧa baǧyttalǧan.
- Äleumettık maŋyzy bar därı-därmekter qosylǧan qūn salyǧyna bosatylady
Onkologiialyq, orfandyq, diabet, psihikalyq jäne autoimmundyq aurulardy emdeuge arnalǧan därı-därmekterge 0% QQS mölşerlemesı qoldanylady. Būl olardyŋ baǧasynyŋ ösuıne jol bermeidı. - Äleumettık medisinalyq qyzmetter QQS- salynbaidy.
Arnaiy tızım boiynşa äleumettık aurularǧa şaldyqqan azamattar üşın aqyly medisinalyq qyzmetterdıŋ baǧasy salyq esebınen qymbattamaidy. - GOBMP jäne MÄMS aiasyndaǧy medisinalyq qyzmetter men därı-därmekter de QQS-tan bosatylady
Memleket kepıldık bergen medisinalyq kömek şeŋberındegı barlyq qyzmetter men därıler salyqtan tolyq bosatyldy. Sonymen qatar mmporttyq baǧalar men satu baǧasy salystyrylyp, Densaulyq saqtau ministrlıgı baǧanyŋ negızsız ösuın qadaǧalai alady. - Kıtaptar QQS-tan bosatylady
Otandyq baspa önımderın qoldau jäne kıtaptyŋ qoljetımdılıgın arttyru maqsatynda būl önımderge qosylǧan qūn salyǧy alynbaidy. - Qarjy qyzmetterıne salyq salynbaidy
Bank audarymdary men tölem kartochkalary arqyly jüzege asyrylatyn operasiialar QQS-pen auyrlanbaidy. - Endaument qorlary üşın tolyq salyq jeŋıldıgı qarastyrylǧan
Äleumettık jäne bılım beru jobalaryn qarjylandyrumen ainalysatyn qorlarǧa salynatyn salyq alynyp tastaldy. - İnvestisiiadan tüsetın dividendterge salyq salynbaidy
Jeke tūlǧalardyŋ aksiialardan tüsetın tabysy salyqtan bosatyldy. Būl şara IPO-ǧa qatysudy yntalandyruǧa baǧyttalǧan. - Otandyq baspa basylymdaryna QQS mölşerlemesı 10% deŋgeiınde belgılendı
Gazet-jurnal sekıldı önımderdıŋ baǧasy tömendetılgen salyq mölşerlemesı esebınen qoljetımdı bolady.
Odan bölek, deputat qabyldanbaǧan ūsynystar da bar ekenın atap öttı. Olar qatarynda bukmekerlık keŋseler men kazinolarǧa salyqty köteru, transmai qosylǧan önımderge aksiz engızu jäne mädeniet pen äleumettık qyzmet salasyndaǧy ūiymdardy korporativtık tabys salyǧynan bosatu ūsynystary bar. Būl baǧytta jūmys jalǧasatyn bolady.
