توقاەۆ: قازاقتىلدى باق-تىڭ ساپاسىن ارتتىرۋ كەرەك

2203
Adyrna.kz Telegram

مەملەكەت باسشىسى قاسىم-جومارت توقاەۆ ۇلتتىق قوعامدىق سەنىم كەڭەسىنىڭ مۇشەلەرى راحىم وشاقباەۆپەن جانە قانات ساحاريانوۆپەن كەزدەسۋ وتكىزدى، دەپ حابارلايدى اقوردا.

«تالاپ» قولدانبالى زەرتتەۋلەر ورتالىعىنىڭ ديرەكتورى راحىم وشاقباەۆ پرەزيدەنتكە ءوزى باسقارىپ وتىرعان ورتالىقتىڭ جۇمىسى تۋرالى ايتتى، سونداي-اق، وتاندىق اناليتيكالىق ورتالىقتاردى دامىتۋ جونىندەگى ۇسىنىستارىن ورتاعا سالدى.

بۇدان بولەك، توقاەۆقا جاھاندىق كومپانيالارمەن اراداعى ىنتىماقتاستىقتىڭ نەگىزىندە ينۆەستيتسيا تارتۋ جولدارىن، سونداي-اق، اقشا-كرەديت ساياساتىن جەتىلدىرۋگە باعىتتالعان ۇسىنىستار تانىستىرىلدى.

Atameken Business تەلەارناسىنىڭ باس ديرەكتورى قانات ساحاريانوۆپەن اڭگىمەلەسۋ بارىسىندا قازاقستاندىق بۇقارالىق اقپارات قۇرالدارىنىڭ باسەكەگە قابىلەتتىلىگىن نىعايتۋ، اقپاراتتىق ساياسات سالاسىن رەتتەيتىن زاڭنامانى دامىتۋ ماسەلەلەرى قاراستىرىلدى.

توقاەۆ مەملەكەتتىڭ وتاندىق ماسس-مەدياعا قولداۋ كورسەتە بەرەتىنىنە توقتالىپ، كونتەنت ساپاسىن ارتتىرۋ جانە قازاقتىلدى باق-تىڭ باسەكەگە قابىلەتتىلىگىن كۇشەيتۋ قاجەتتىگىن ايتتى.

پىكىرلەر