اقتوبەدە اتا-اناسىنىڭ قاراۋىنسىز قالعان كىشكەنتاي قىز كولىك ءجۇرىپ جاتقان جولعا شىعىپ كەتكەن، دەپ حابارلايدى "ادىرنا" ۇلتتىق پورتالى.
وقيعا نەكراسوۆ كوشەسىندە بولعان. ءبۇلدىرشىننىڭ جولعا شىققان ءساتى بەينەباقىلاۋ كامەراسىنا ءتۇسىپ قالعان. العاشىندا بىردە-ءبىر كولىك جۇرگىزۋشىسى ءمان بەرمەي، قىزدىڭ جانىنان وتە شىققان. كەيىن بىرنەشە كولىك شۇعىل توقتاپ، جۇرگىزۋشىلەردىڭ ءبىرى قىزدى كوتەرىپ، قاۋىپسىز جەرگە جەتكىزگەنى بەينەتاسپادا انىق كورىنەدى.
قازىرگى ۋاقىتتا قۇقىق قورعاۋ ورگاندارى ءبۇلدىرشىننىڭ اتا-اناسىن انىقتاپ جاتىر.
ۇقساس جاڭالىقتار
