الماتىدا جەڭىل كولىك ايالداماعا سوعىلدى، - دەپ حابارلايدى “ادىرنا”.
الماتىدا بولعان جول اپاتىنان 7 ادام زارداپ شەكتى. وقيعا 28 تامىز كۇنى تۇسكى 12:20-دا قالانىڭ ورتالىق كوشەلەرىنىڭ بىرىندە بولعان.
جول اپاتى تۋرالى اقپارات الەۋمەتتىك جەلىلەردە پايدا بولعان. تاراعان بەينە جازبادا كولىكتىڭ ادامدار تۇرعان ايالداماعا سوعىلعانى انىق كورسەتىلگەن.
الماتى پوليتسيا دەپارتامەنتى جول اپاتىنىڭ بولعانىن راستاپ وتىر. «مەرسەدەس» كولىگىن تىزگىندەگەن 1987 جىلى تۋعان جۇرگىزۋشى ابىلاي حان كوشەسىنە قاراي كەلە جاتىپ، رايىمبەك داڭعىلىنا سولعا بۇرىلىپ، ءرۋلدى باسقارا الماي، اۆتوبۋس ايالداماسىنا سوقتىعىستى. وسى جول اپاتىنىڭ سالدارىنان ايالدامادا بولعان 7 ادام زارداپ شەككەن. ولار قالانىڭ ەمدەۋ مەكەمەلەرىنە جەتكىزىلدى. جول-كولىك وقيعاسى فاكتىسى تىركەلىپ، المالى اۋداندىق پوليتسيا ءبولىمىنىڭ قىزمەتكەرلەرىمەن نازارعا الىندى»، - دەپ حابارلادى پوليتسەيلەر.
ۇقساس جاڭالىقتار
