جەتىسۋ وبلىسىندا «سارىوزەك – كوكتال» اۆتوجولىندا ءىرى جول-كولىك وقيعاسى بولىپ، التى ادام قازا تاپتى، دەپ حابارلايدى "ادىرنا" ءتىلشىسى.
اپات جولدىڭ 110-شاقىرىمىندا بولعان. الدىن الا مالىمەت بويىنشا، Chevrolet Cobalt ماركالى ەكى اۆتوكولىك سوقتىعىسقان. كولىكتەردىڭ ءبىرىنىڭ جۇرگىزۋشىسى قارسى باعىتتاعى جولاققا شىعىپ كەتىپ، قارسى كەلە جاتقان كولىكپەن سوقتىعىسقان.
جول اپاتىنان التى ادام وقيعا ورنىندا كوز جۇمدى. تاعى ءبىر ادام جاراقات الىپ، مەديتسينالىق مەكەمەگە جەتكىزىلدى.
وسى فاكتى بويىنشا قىلمىستىق ءىس قوزعالدى. قازىر سوتقا دەيىنگى تەرگەۋ جۇرگىزىلىپ، جول اپاتىنىڭ بارلىق ءمان-جايى انىقتالىپ جاتىر.
وقيعاعا قاتىستى وزگە اقپارات تەرگەۋ ناتيجەسى بويىنشا بەلگىلى بولادى.
ۇقساس جاڭالىقتار
