سايراگۇل سوتى - 1 ءبولىم
سونداي-اق، "ونىڭ قىلمىسى اسا اۋىر ەمەس" دەپ باعالاندى. سايراگۇلدى ەكى بالاسىنان، وتباسىنان اجىراتپاۋ ءۇشىن وسىنداي شەشىم قابىلداعان. سۋديانىڭ مۇنداي شەشىمگە بۇۇ بالالار قۇقىعى كونۆەنتسياسى نەگىزگە العان. "ەتنيكالىق قازاق رەتىندە، قازاقستان ازاماتتىعىن الۋعا قۇقىعى بار ازامات رەتىندە ونى قازاقستاننان شىعارىپ جىبەرۋ جازاسى تاعايىندالمادى" دەدى ول. Cايراگۇلدىڭ قورعاۋشىسى، ادۆوكات ابزال قۇسپان ايىپتاۋشى پروكۋروردىڭ سۇراعان جازاسىمەن تولىق كەلىسەتىنىن جانە سوتتىڭ وتە ادىلەتتى جۇرگىزىلگەنىن ايتتى. مۇندا ءبىر عانا ادامنىڭ تاعدىرى ەمەس، قىتايدا قىسىم كورىپ جاتقان مىڭداعان قانداسىمىزدىڭ ءومىرى تۇرعانىن دا اتاپ ءوتتى. وسىلايشا قازاقستان ۇكىمەتى پەكيننىڭ سايراگۇلدى ەكستراديتسيالاۋ تۋرالى ءوتىنىشىن قابىلدامادى. ونى اركىم ءار ءتۇرلى باعالاۋدا. ءبىرى «سايراگۇل ساۋىتباي شەكارا بۇزبادى، سەڭدى بۇزدى. ەندى قىتايدا قىسىم كورگەن تالاي قازاق قاشىپ كەلەدى ءالى» - دەسە، ەندى ءبىرى «حالىقتىڭ قۇقىق قورعاۋ ورگاندارىنا دەگەن قۇرمەتى ارتتى» دەپ جاتتى. «سايراگۇلدىڭ جەڭىسى – بۇكىل قازاق جەڭىسى، جاساسىن قازاق ەلى!» - دەگەن ۇراندار دا ايتىلدى سوت ماڭىندا. ەڭ باستىسى سايراگۇل ءىسى وڭ شەشىمىن تاۋىپ، ايىپتالۋشى ەلدە قالدى. جانە تىلەكشى بولعان ءدۇيىم جۇرتتىڭ قۋانىشىندا شەك بولمادى. اق تۇيەنىڭ قارىنى جارىلىپ، اق تىلەكتەردىڭ اقتارىلعان كۇنى بولدى. تاۋەلسىز قازاقستان تاريحىندا تۇڭعىش رەت كەزدەسىپ وتىرعان بۇل وقيعا ەل ەسىندە ماگىگە قالماق. قازاقتىڭ بىرلىگى مەن ىرىلىگىن دالەلدەگەن سايراگۇل سوتى تۋراسىندا الداعى ۋاقىتتاردا تاعى دا تۇشىمدى ماتەريالدار جاريالايتىن بولامىز.
