Saıragúl Saýytbaı shekara buzbady, seńdi buzdy

3978
Adyrna.kz Telegram

Saıragúl soty - 1 bólim

«Shekarany zańsyz kesip ótti» dep aıyptalǵan Qytaı azamaty, etnıkalyq qazaq Saıragúl Saýytbaı isi boıynsha sot úkimi shyqty. Tamyzdyń 1 juldyzy Almaty oblysy Jarkent kentindegi Panfılov aýdandyq sotynda Sýdıa Dınara Quıqabaeva Saýytbaıǵa shartty jaza taǵaıyndap, ony Qazaqstanda qaldyrý jáne sot zalynan bosatý týraly sheshimin jarııalady.
"Qazaqstan Qylmystyq kodeksiniń 392-baby 1-tarmaǵy boıynsha Saıragúl Saýytbaıdy kináli dep taýyp, 6 aıǵa bas bostandyǵynan aıyrý týraly shartty jaza taǵaıyndalsyn. 6 aı probaııalyq baqylaý merzimi taǵaıyndalsyn. Ol sot zalynan bosatylsyn", - dedi Sýdıa óz sheshiminde.
Saıragúldiń soty - 2 bólim

Sondaı-aq, "Onyń qylmysy asa aýyr emes" dep baǵalandy. Saıragúldi eki balasynan, otbasynan ajyratpaý úshin osyndaı sheshim qabyldaǵan. Sýdıanyń mundaı sheshimge BUU balalar quqyǵy konvenııasy negizge alǵan. "Etnıkalyq qazaq retinde, Qazaqstan azamattyǵyn alýǵa quqyǵy bar azamat retinde ony Qazaqstannan shyǵaryp jiberý jazasy taǵaıyndalmady" dedi ol. Caıragúldiń qorǵaýshysy, advokat Abzal Quspan aıyptaýshy prokýrordyń suraǵan jazasymen tolyq kelisetinin jáne sottyń óte ádiletti júrgizilgenin aıtty. Munda bir ǵana adamnyń taǵdyry emes, Qytaıda qysym kórip jatqan myńdaǵan qandasymyzdyń ómiri turǵanyn da atap ótti. Osylaısha Qazaqstan úkimeti Pekınniń Saıragúldi ekstradıııalaý týraly ótinishin qabyldamady. Ony árkim ár túrli baǵalaýda. Biri «Saıragúl Saýytbaı shekara buzbady, seńdi buzdy. Endi Qytaıda qysym kórgen talaı qazaq qashyp keledi áli» - dese, endi biri «halyqtyń quqyq qorǵaý organdaryna degen qurmeti artty» dep jatty. «Saıragúldiń jeńisi – búkil qazaq jeńisi, jasasyn qazaq eli!» - degen urandar da aıtyldy sot mańynda. Eń bastysy Saıragúl isi oń sheshimin taýyp, aıyptalýshy elde qaldy. Jáne tilekshi bolǵan dúıim jurttyń qýanyshynda shek bolmady. Aq túıeniń qaryny jarylyp, aq tilekterdiń aqtarylǵan kúni boldy. Táýelsiz Qazaqstan tarıhynda tuńǵysh ret kezdesip otyrǵan bul oqıǵa el esinde mágige qalmaq. Qazaqtyń birligi men iriligin dáleldegen Saıragúl soty týrasynda aldaǵy ýaqyttarda taǵy da tushymdy materıaldar jarııalaıtyn bolamyz.

Saıragúl soty nátıjesiniń habarlanýy
Biz "Adyrna" portalynyń dırektory Arman Áýbákirmen sot barysynyń tolyq túsirilimin Feısbýk áleýmettik jelisi boıynsha tarattyq. Arman Áýbákirdiń jeke paraqshasyndaǵy sot otyrysynyń qorytyndysy jaıyndaǵy tikeleı efır túsirilimi 33 myńnan asa qaralyp, 1 500-den asa pikir jazylyp, 1 200-den asa laık basylǵany, 190-nan astam kisi bóliskeni - búkil qazaq halyqtyń Saıragúl sotyna beı-jaı qaramaǵanyn bildiredi.
Saıragúldiń elimen qaýyshýy 

Qurmetolla Muhamethanuly, 
Almaty - Jarkent - Almaty 

 

Pikirler