"اقشا جىمقىردى" دەپ ايىپتالعان بۇرىنعى ەكونوميكا ءمينيسترى قۋاندىق بيشىمباەۆتىڭ جەكەمەنشىك كوتتەدجى اقمولا وبلىسىنداعى قوسشى اۋىلدىق اكىمدىگىنە بەرىلمەك.
سويتسەك، الگى اۋىلدا مادەنيەت وشاعى جوق ەكەن. بيشىمباەۆتىڭ ءداۋ ءۇيى ەندى اكىمدىككە بەرىلىپ، جەرگىلىكتى باسشىلار سول كەمشىلىكتىڭ ورنىن قۋاندىقتان قالعان ۇيمەن تولتىرماق كورىنەدى.
"بۇل ءبىزدىڭ ەڭ قىمبات نىسانىمىز بولادى",- دەپ قۋانعان اۋىل اكىمدىگى بۇل جەكەجايدى مادەنيەت ۇيىنە اينالدىرماق. ال، پروكۋروتۋرا وكىلدەرىنىڭ ايتۋىنشا، بۇل ءۇي كەزىندە 60 ملن.تەڭگەگە سالىنعان.
نەگىزىنەن، بيشىمباەۆ بۇل ءۇيدى اڭشىلىق ءۇشىن تۇرعىزعان ەكەن. ال، نىسان ونىڭ ەنەسىنىڭ اتىندا بولعان.
ەسكە سالساق، ەكس-ەكونوميكا ءمينيسترى قۋاندىق بيشىمباەۆ مۇلكى تاركىلەنىپ، 10 جىلعا باس بوستاندىعىنان ايىرىلعان بولاتىن. جانە ول ءومىر بويى مەملەكەتتىك قىزمەت ىستەي المايدى
