G-Park كومپانياسىنىڭ باسشىسى عابيت ساتماعامبەتوۆ جازباسىندا 17 جاسار باتىردىڭ ەرلىگى جايلى ءسوز ەتتى، دەپ جازادى "ادىرنا" ءتىلشىسى.
«ۇيدە كىشكەنتاي بالالار جالعىز قالدى. 17 جاستاعى باتىر كورشى پاتەردىڭ تەرەزەسىنە شىعىپ، موسكيت تورىن جۇلىپ الىپ، بالانى امان الىپ قالعان. كەرىسىنشە، ىركىلىپ قالماي، قايعىلى وقيعانىڭ الدىن الدى. بالالاردى قاراۋسىز جالعىز قالدىرعان انانىڭ جاۋاپسىزدىعىنا تاڭىمىز بار. مەنىڭ شەشىمىم – اتا-اناسىنان لايىقتى تاربيە العان ءجاسوسپىرىمنىڭ ەرلىگىن ماراپاتتاۋ. ەسداۋلەت داۋىتبەكوۆتىڭ وتباسى ۇلكەن. ونىڭ 18 ميلليون تەڭگە قارىزى بار يپوتەكادا شاعىن پاتەرى بار جانە ولار ءۇشىن ەڭ قيسىندى جانە قاجەتتى - سەگىز وتباسى مۇشەلەرىنە ارنالعان اۋدانى ۇلكەنىرەك پاتەر. ءبىز ەكى تۇرعىن ءۇي كەشەنىن تاڭداۋ قۇقىعىن بەردىك – «ۋربان» جانە «ريو-دە-جانەيرو». ەسداۋلەتتىڭ اناسى اسەمگۇل «ۋربان» تۇرعىن ءۇي كەشەنىنەن 98 شارشى مەترلىك ءۇش بولمەلى پاتەردى تاڭداعان»، - دەدى ساتماعامبەتوۆ.
ەسداۋلەت داۋىتبەكوۆ سىيلىعى ءۇشىن سەرىكتەستىك باسشىلىعىنا العىسىن ءبىلدىردى.
ەسداۋلەتپەن ءبىلىم ءمينيسترى اسحات ايماعامبەتوۆتىڭ كەزدەسكەنى وسىعان دەيىن حابارلانعان بولاتىن. باسقارما باسشىسى وعان العىس حات پەن ەستەلىك سىيلىقتار تابىس ەتتى. سونداي-اق، تۇلەككە الماتى قالاسىنداعى Narxoz ۋنيۆەرسيتەتىندە تەگىن ءبىلىم الۋعا گرانت بەرىلدى.
ەسكە سالايىق، وتكەن سارسەنبى كۇنى كەشكە «شەرقالا» تۇرعىن ءۇي كەشەنىندە 17 جاستاعى ەسداۋلەت داۋىتبەكوۆ جەتىنشى قاباتتىڭ تەرەزەسىنەن قۇلاعان بالانى قۇتقارىپ قالعان بولاتىن. جاس جىگىت جابىق پاتەرگە كوتەرىلدى. كەيىن جىگىتتىڭ Express-K باسىلىمىنا ايتۋىنشا، پاتەردە 1 جاستان 3 جاسقا دەيىنگى تاعى ەكى ءسابي بولعان. دۇكەنگە بارعان اناسىن كۇتىپ، بالالاردىڭ ءبارىنىڭ جاعدايى دۇرىس ەكەندىگىنە كوز جەتكىزىپ، كەتىپ قالدى.
«مەن سپورتتى جاقسى كورەمىن، فۋتبول وينايمىن، بۇرىن تاۋعا ءجيى شىققانمىن، ياعني بيىكتىكتەن قورىقپايمىن. مەن جەتىنشى قاباتقا اتاق-داڭق ءۇشىن ەمەس، اتا-انام بەرگەن تاربيەنىڭ كۇشىمەن جۇگىردىم. كومەككە مۇقتاج جاندارعا ءاردايىم كومەكتەسۋ كەرەك»، - دەيدى ەسداۋلەت.
