TikTok الەۋمەتتىك جەلىسى ارقىلى قاۋىپتى چەللەندج ءتۇسىرىپ قايتىس بولعان جەتى بالانىڭ اتا-اناسى سوت ءىسىن قوزعاۋدا، دەپ حابارلايدى “ادىرنا” ۇلتتىق پورتالى.
TikTok جەلىسىنە قارسى ارىزدانۋشى اتا-انالاردان بىردەن بىرنەشە سوت ءىسى قوزعالعان. ولاردىڭ بالالارى قاۋىپتى قارا چەللەندجگە قاتىسقاننان كەيىن كوز جۇمعان. چەلەندجدىڭ شارتى مويىنعا بەلدىكتى قىسىپ بايلاۋ بولعان. قازا تاپقانداردىڭ وتباسى الەۋمەتتىك جەلىنىڭ قاۋىپتى ءىس-قيمىل كورسەتەتىن بەينە روليكتەردىڭ تارالۋىنا شەكتەۋ قويماعانىنا نارازى.
"TikTok الەۋمەتتىك جەلىسى كەيبىر چەللەندجدەردى جارنامالايتىن جانە ناسيحاتتايتىن بولعاندىقتان، ول ءوزىنىڭ قوسىمشاسىندا جاريالانعان جانە تاراتىلاتىن بەينەلەردى باقىلاۋعا مىندەتتى. پلاتفورما قاۋىپتى چەللەندج روليكتەرىنىڭ جاريالانباۋىن، تاراتىلماۋىن جانە ۇسىنىستاردا بولماۋىن قامتاماسىز ەتۋى كەرەك", - دەلىنگەن شاعىمداردىڭ ءبىرىنىڭ ماتىنىندە.
“ادىرنا” ۇلتتىق پورتالى
