يران ۆيتسە-پرەزيدەنتى مۇحاممادرەزا اريف ەلدەگى باعانىڭ ءوسۋى مەن ينفلياتسياعا بايلانىستى حالىقتان كەشىرىم سۇرادى، دەپ حابارلايدى "ادىرنا" ءتىلشىسى.
مۇحاممادرەزا ءاريفتىڭ ايتۋىنشا، قازىر يرانداعى نەگىزگى ماسەلەلەردىڭ ءبىرى – ينفلياتسيا. ونىڭ پىكىرىنشە، جاعدايدى تۇراقتاندىرۋ ءۇشىن بىرنەشە باسشىنىڭ جەكە شەشىمى جەتكىلىكسىز. بۇل باعىتتا ماماندار مەن عىلىمي قاۋىمداستىق وكىلدەرىنىڭ ورتاق ۇستانىمىن قالىپتاستىرۋ قاجەت.
ۆيتسە-پرەزيدەنت تابىسىنىڭ نەگىزگى كوزى جالاقى بولىپ تابىلاتىن ازاماتتاردىڭ جاعدايىنا دا توقتالدى. ونىڭ ايتۋىنشا، ينفلياتسيا جوعارى بولعان جاعدايدا جالاقىنى 5 نەمەسە 20 پايىزعا كوتەرۋ حالىقتىڭ ناقتى شىعىنىن تولىق وتەۋگە مۇمكىندىك بەرمەيدى.
مۇحاممادرەزا اريف ازاماتتاردىڭ كىرىسى مەن شىعىنى اراسىنداعى الشاقتىققا بايلانىستى بيلىك اتىنان كەشىرىم سۇراعان.
سونداي-اق ول قالىپتاسقان جاعدايدا قارىز جۇكتەمەسىن بولاشاق ۇرپاققا قالدىرۋعا جانە ەلدىڭ تابيعي رەسۋرستارىنىڭ سارقىلۋىنا جول بەرۋگە بولمايتىنىن ايتتى.
