TikTok äleumettık jelısı arqyly qauıptı chellendj tüsırıp qaitys bolǧan jetı balanyŋ ata-anasy sot ısın qozǧauda, dep habarlaidy “Adyrna” ūlttyq portaly.
TikTok jelısıne qarsy aryzdanuşy ata-analardan bırden bırneşe sot ısı qozǧalǧan. Olardyŋ balalary qauıptı qara chellendjge qatysqannan keiın köz jūmǧan. Chelendjdıŋ şarty moiynǧa beldıktı qysyp bailau bolǧan. Qaza tapqandardyŋ otbasy äleumettık jelınıŋ qauıptı ıs-qimyl körsetetın beine rolikterdıŋ taraluyna şekteu qoimaǧanyna narazy.
"TikTok äleumettık jelısı keibır chellendjderdı jarnamalaityn jäne nasihattaityn bolǧandyqtan, ol özınıŋ qosymşasynda jariialanǧan jäne taratylatyn beinelerdı baqylauǧa mındettı. Platforma qauıptı chellendj rolikterınıŋ jariialanbauyn, taratylmauyn jäne ūsynystarda bolmauyn qamtamasyz etuı kerek", - delıngen şaǧymdardyŋ bırınıŋ mätınınde.
“Adyrna” ūlttyq portaly
