مەملەكەت باسشىسىنىڭ قۇرىلتايدىڭ العاشقى سەسسياسىندا بەرگەن تاپسىرمالارىن ورىنداۋ اياسىندا ۇكىمەت وڭىرلەردەگى الەۋمەتتىك ينفراقۇرىلىمدى وزىق دامىتۋ بويىنشا شارالار قابىلداۋدا.
شىمكەنتتە جاڭا پەريناتالدىق ورتالىق پەن حالىقارالىق اۋەجايدىڭ ەكىنشى ۇشۋ-قونۋ جولاعىن سالۋ جوبالارى جۇزەگە اسىرىلۋدا. نىسانداردىڭ قۇرىلىسىن جالعاستىرۋعا قوسىمشا 33,5 ملرد تەڭگە ءبولىندى. ونىڭ ىشىندە دەنساۋلىق ساقتاۋ نىسانىنا – 10 ملرد تەڭگە، ال ەكىنشى ۇشۋ-قونۋ جولاعىنا 23,5 ملرد تەڭگە باعىتتالدى.
اقجايىق شاعىناۋدانىندا 200 توسەك-ورىنعا ارنالعان جاڭا پەريناتالدىق ورتالىق سالىنۋدا. مەديتسينالىق مەكەمە جىلىنا 7 مىڭ بوسانۋعا ارنالعان جانە انا مەن جاڭا تۋعان نارەستەلەرگە مەديتسينالىق كومەكتىڭ تولىق تسيكلىن قامتاماسىز ەتەدى. اكۋشەرلىك، گينەكولوگيا جانە نەوناتولوگيا بولىمدەرىمەن قاتار، مۇندا كۇردەلى پاتولوگيالارى بار جاڭا تۋعان نارەستەلەرگە ەم جۇرگىزۋگە ارنالعان نەوناتالدىق حيرۋرگيا قىزمەتى ۇيىمداستىرىلادى. سونداي-اق دياگنوستيكالىق زەرتحانا، گەنەتيكالىق زەرتتەۋلەر جۇرگىزۋگە ارنالعان بازا، كونسۋلتاتسيالىق جانە وڭالتۋ بولىمشەلەرى قاراستىرىلعان.
