قاعىپ قالساڭ، تۇبىنەن اسىلدىڭ سىنىعى ساۋلاپ توگىلە بەرەتىن قازىنالى قاپشىقتار بولادى. ءفوتوتىلشى بولات وماراليەۆتىڭ سۋرەت قاتتالعان ءارحيۆىنىڭ تەرەڭىنە دە ەشقاشان بويلاي المايسىڭ. ونىڭ ءبىر كادرى - ءومىردىڭ ءبىر ۇزىگى. تەك كادرىنىڭ قادىرىن بىلەتىندەر كوبىرەك بولسا عوي دەيسىڭ.
مىنە، بۇگىن ارداقتى اعامىز ازداپ سىرقاتتانىپ جۇرگەنىنە قاراماستان، قاپشىعىن قاقشىپ وتىرىپ تاعى ءبىر قۇندى دۇنيەنى تاۋىپ الىپتى. سول باياعى اتقا مىنگەن ارۋ... سول ساپار. قىز بەن قوس قوزى... قاراڭىزشى ەندى، وسى جاي عانا سۋرەت پە؟ قويلى اۋىلدىڭ بويجەتكەنى تۋرالى شاعىن شىعارما ەمەس پە بۇل؟! قىسقاسى، قاينار ولجاي ايتقانداي، ء"بىر ءسات - بۇكىل عۇمىر". الپىس ەكىدەگى اپكەمىز ءۇرلاي جۇمەكوۆا ون سەگىزدەگى بەينەسىن بۇگىن كورىپ، اعىل-تەگىل ەگىلىپ وتىر... تەزدەتىپ ساۋىعىپ كەتىڭىز، بولات اعا! اتتاي شاۋىپ وتىرىپ، ءبىر كەزدەگى ءوزىڭىزدىڭ كەيىپكەرىڭىز - سايگۇلىك مىنگەن سۇلۋدى كورىپ قايتىڭىز... ءسىزدىڭ قالاڭىزدىڭ ىرگەسىندە تۇرادى ول...
باۋىرجان ومارۇلى
