Qaǵyp qalsań, túbinen asyldyń synyǵy saýlap tógile beretin qazynaly qapshyqtar bolady. Fototilshi Bolat Omarálıevtiń sýret qattalǵan arhıviniń tereńine de eshqashan boılaı almaısyń. Onyń bir kadry - ómirdiń bir úzigi. Tek kadrynyń qadirin biletinder kóbirek bolsa ǵoı deısiń.
Mine, búgin ardaqty aǵamyz azdap syrqattanyp júrgenine qaramastan, qapshyǵyn qaqshyp otyryp taǵy bir qundy dúnıeni taýyp alypty. Sol baıaǵy atqa mingen arý... Sol sapar. Qyz ben qos qozy... Qarańyzshy endi, osy jaı ǵana sýret pe? Qoıly aýyldyń boıjetkeni týraly shaǵyn shyǵarma emes pe bul?! Qysqasy, Qaınar Oljaı aıtqandaı, "bir sát - búkil ǵumyr". Alpys ekidegi ápkemiz Úrláı Júmekova on segizdegi beınesin búgin kórip, aǵyl-tegil egilip otyr... Tezdetip saýyǵyp ketińiz, Bolat aǵa! Attaı shaýyp otyryp, bir kezdegi ózińizdiń keıipkerińiz - sáıgúlik mingen sulýdy kórip qaıtyńyz... Sizdiń qalańyzdyń irgesinde turady ol...
Baýyrjan OMARULY
