وزبەكستاننىڭ ىشكى ىستەر مينيسترلىگى مالىمدەمە جاسادى

3966
Adyrna.kz Telegram

قاراقالپاقستاندا زاڭسىز دەمونستراتسيانى توقتاتۋ ءۇشىن قۇقىق قورعاۋ كۇشتەرى جۇمىلدىرىلدى. بۇل تۋرالى وزبەكستاننىڭ ىشكى ىستەر مينيسترلىگى مالىمدەدى، دەپ حابارلايدى «ادىرنا» ءتىلشىسى.

«قاراقالپاقستان ازاماتتارى نۇكىس قالاسىندا شەرۋ جاساپ، ودان كەيىن ورتالىق بازار اۋماعىنا جينالىپ، زاڭسىز شەرۋ ۇيىمداستىرعان. بۇل «رەسپۋبليكادا جۇرگىزىلگەن كونستيتۋتسيالىق رەفورمالاردى دۇرىس تۇسىندىرمەۋدىڭ ناتيجەسىندە» بولدى. قازىر قوعامدىق ءتارتىپ قالپىنا كەلتىرىلدى»،– دەپ ءتۇسىندىردى ۆەدومستۆو.

«وزبەكستان رەسپۋبليكاسىنىڭ كونستيتۋتسياسىنا وزگەرتۋلەر مەن تولىقتىرۋلار ەنگىزۋ تۋرالى» زاڭ جوباسى 25 ماۋسىمدا پارلامەنتتىك باسىلىمداردا جالپىحالىقتىق تالقىلاۋ ءۇشىن جاريالاندى.

پارلامەنت شەشىمىنە سايكەس، جوبانى تالقىلاۋ 5 شىلدەگە دەيىن جالعاسادى. ودان كەيىن زاڭ جوباسى رەفەرەندۋمعا شىعارىلماق.

زاڭ جوباسىندا كونستيتۋتسيانىڭ 64 بابىنا 200-دەن استام وزگەرتۋ ەنگىزۋ كوزدەلگەن. ولاردىڭ قاتارىندا وزبەكستان پرەزيدەنتىنىڭ وكىلەتتىگىن بەس جىلدان جەتى جىلعا دەيىن ۇزارتۋ، ءولىم جازاسىنا تىيىم سالۋ، ەل ازاماتىن شەت مەملەكەتكە ەكستراديتسيالاۋعا تىيىم سالۋ تۋرالى تارماقتار بار.

پىكىرلەر