Qaraqalpaqstanda zańsyz demonstraııany toqtatý úshin quqyq qorǵaý kúshteri jumyldyryldy. Bul týraly Ózbekstannyń Ishki ister mınıstrligi málimdedi, dep habarlaıdy «Adyrna» tilshisi.
«Qaraqalpaqstan azamattary Núkis qalasynda sherý jasap, odan keıin ortalyq bazar aýmaǵyna jınalyp, zańsyz sherý uıymdastyrǵan. Bul «respýblıkada júrgizilgen konstıtýııalyq reformalardy durys túsindirmeýdiń nátıjesinde» boldy. Qazir qoǵamdyq tártip qalpyna keltirildi»,– dep túsindirdi vedomstvo.
«Ózbekstan Respýblıkasynyń Konstıtýııasyna ózgertýler men tolyqtyrýlar engizý týraly» zań jobasy 25 maýsymda parlamenttik basylymdarda jalpyhalyqtyq talqylaý úshin jarııalandy.
Parlament sheshimine sáıkes, jobany talqylaý 5 shildege deıin jalǵasady. Odan keıin zań jobasy referendýmǵa shyǵarylmaq.
Zań jobasynda Konstıtýııanyń 64 babyna 200-den astam ózgertý engizý kózdelgen. Olardyń qatarynda Ózbekstan prezıdentiniń ókilettigin bes jyldan jeti jylǵa deıin uzartý, ólim jazasyna tyıym salý, el azamatyn shet memleketke ekstradıııalaýǵa tyıym salý týraly tarmaqtar bar.
