رف پرەزيدەنتى ۆلاديمير ءپۋتيننىڭ كۇزەتشىسى بولعان جانە ونىمەن بىرگە "يادرولىق چەمودان" الىپ جۇرگەن فسب پولكوۆنيگى ۆاديم زيمين اۋرۋحاناعا وق جاراقاتىمەن تۇسكەن. ونىڭ اۋىر جاعدايدا جانساقتاۋ بولىمىندە جاتقانى ءمالىم بولدى، دەپ حابارلايدى "ادىرنا" ۇلتتىق پورتالى.
Mirror باسىلىمى حابارلاعانداي، قازىر ول اۋىر حالدە جان ساقتاۋ بولىمىندە جاتىر.
زيمين ماسكەۋ وبلىسىنىڭ كراسنوگورسك قالاسىنداعى پاتەرىندە 20 ماۋسىمدا جارالى كۇيدە تابىلعان، ونىڭ جانىندا 79-9تم تراۆماتيكالىق تاپانشا بولعان. ونى اعاسى تاۋىپ العان. بۇل كەزدە ونىڭ ازاماتتىق نەكەدە تۇراتىن ايەلى قاسىندا بولماعان.
زيمين كرەملدە تەك ءپۋتيننىڭ قاراماعىندا عانا ەمەس، بوريس ەلتسيننىڭ كەزىندە دە جۇمىس ىستەگەنى بەلگىلى.
رەسەيلىك باق-تىڭ مالىمەتىنشە، زيمين كەدەن قىزمەتىندە جۇمىس ىستەي باستاعاننان كەيىن پارا الدى دەگەن ايىپپەن قىلمىستىق ءىستى تەرگەۋگە بايلانىستى ءۇي قاماۋىندا بولعان. ول تۇرمەدە جازاسىن وتەۋگە ءتيىس.
"ادىرنا" ۇلتتىق پورتالى.
