«قانت جوق»: «راحات» فابريكاسى جۇمىسىن توقتاتتى

949
فوتو: Forbes.kz
فوتو: Forbes.kz

شىمكەنتتەگى “راحات” زاۋىتى شىلدە ايىنا دەيىن جۇمىس ىستەمەيدى. بۇل تۋرالى Forbes.kz سايتىنا بەرگەن سۇحباتىندا Lotte Rakhat فابريكاسىنىڭ باسقارما توراعاسى كونستانتين فەدورەتس ايتتى، دەپ حابارلايدى “ادىرنا” ۇلتتىق پورتالى.

قازىر فابريكا كامپيتتىك كارامەل شىعارمايدى، ونىڭ ىشىندە "بارباريس" تە بار.

«قازىر بىزدە بارباريس كارامەلى مەن يريس وندىرىلمەيدى. دەگەنمەن بۇل ونىمدەرگە سۇرانىس جوعارى، بىراق ولار قانتتى كوپ قاجەت ەتەدى. سوندىقتان ءبىز قانت مولشەرى جوعارى بارلىق تاعامداردى الىپ تاستادىق، ويتكەنى قانت جوق. سونىڭ كەسىرىنەن شىمكەنتتەگى فابريكامىز دا توقتاپ تۇر. ازىرگە ونىڭ جۇمىسىن شىلدەگە دەيىن توقتاتتىق. قانت شىلدە ايىندا جەتكىزىلەدى دەپ كۇتىلۋدە، جۇمىستى جالعاستىرامىز»،- دەدى الماتىدا فابريكانىڭ 80 جىلدىعىنا وراي وتكەن ءباسپاسوز ءماسليحاتىندا «لوتتە راحات» فابريكاسىنىڭ باسقارما توراعاسى كونستانتين فەدورەتس.

شىمكەنتتەگى زاۋىت شىلدە ايىنا دەيىن جۇمىس ىستەمەيدى. قانتتىڭ جەتكىزىلۋىن كۇتۋدە. فەدورەتس كومپانيا قانتتى تەك قازاقستان رەسپۋبليكاسىندا ساتىپ الۋعا قۋانىشتى بولاتىنىن، الايدا جەرگىلىكتى وندىرۋشىلەر نارىقتىڭ 30 پايىزىن عانا قامتىپ وتىرعانىن اتاپ ءوتتى.

"ولاردىڭ ساپا جاعىنان ءالى دە جۇمىس ىستەۋى كەرەك", – دەدى Lotte Rahat باسشىسى.

”ادىرنا” ۇلتتىق پورتالى

پىكىرلەر
ۇقساس جاڭالىقتار
Серіктестер/Партнеры
Студия IMA - создание сайтов Доставка цветов Астана - Lova Buket