شىمكەنت قالاسىندا جويقىن جەر سىلكىنىسى بولعان جاعدايدا ازاماتتىق قورعاۋ كۇشتەرى مەن شۇعىل قىزمەتتەردىڭ ءىس-قيمىلدارىن پىسىقتاۋعا باعىتتالعان «جەر-2025» رەسپۋبليكالىق كوماندالىق-شتابتىق وقۋ-جاتتىعۋلارىنا دايىندىق جۇرگىزىلۋدە.
وقۋ-جاتتىعۋلارعا تجم 52859, 28237, 68303 اسكەري بولىمدەرىنىڭ جەكە قۇرامى مەن تەحنيكاسى، سونداي-اق تۇركىستان، جامبىل جانە قىزىلوردا وبلىستارىنان كەلگەن جەدەل توپتار تارتىلعان. توتەنشە جاعدايلاردىڭ سالدارىن جويۋ جونىندەگى ءىس-قيمىلدار جوسپارىنا سايكەس وقۋ-جاتتىعۋعا توتەنشە جاعدايلار، دەنساۋلىق ساقتاۋ، ىشكى ىستەر، قورعانىس مينيسترلىكتەرىنىڭ قۇتقارۋ بولىمشەلەرى مەن قىزمەتكەرلەرى جانە باسقا دا مۇددەلى مەكەمەلەر قاتىسۋدا.
شىمكەنت قالاسىندا تجم الدىڭعى شەپتەگى توبى مەن جەرگىلىكتى اتقارۋشى ورگاندار بىرلەسىپ، توتەنشە جاعدايلاردىڭ سالدارىن جويۋ بويىنشا پراكتيكالىق ءىس-قيمىلداردى پىسىقتاۋعا ارنالعان 4 وقۋ پوليگونىن دايىندادى.
شىمكەنتتە جويقىن جەر سىلكىنىسى بولعان جاعدايدا حالىقتى ۋاقىتشا ورنالاستىرۋعا ارنالعان شاتىرلى لاگەر قۇرىلدى. مۇندا بارلىق قاجەتتى جاعداي جاسالعان: تۇرعىن ايماق، كوممۋنالدىق-تۇرمىستىق نىساندار، تاماقتانۋ ايماعى، شۇعىل مەديتسينالىق كومەك كورسەتۋگە ارنالعان اپاتتار مەديتسيناسى ورتالىعىنىڭ ءموبيلدى گوسپيتالى، ءموبيلدى حقكو جانە بايلانىس پۋنكتى.
وقۋ-جاتتىعۋ بارىسىندا تجم قۇتقارۋشىلارى، ازاماتتىق قورعاۋ قىزمەتتەرى جانە جەرگىلىكتى اتقارۋشى ورگاندار زاماناۋي تەحنيكا مەن جابدىقتاردى پايدالانا وتىرىپ، ەۆاكۋاتسيالاۋ، ۋاقىتشا ورنالاستىرۋ پۋنكتتەرىن جايعاستىرۋ جانە زارداپ شەككەن حالىققا كەشەندى كومەك كورسەتۋ الگوريتمدەرىن پىسىقتاۋدا.
