ەرجان سەيتەنوۆ شىمكەنت قالاسى اكىمىنىڭ ورىنباسارى لاۋازىمىنا تاعايىندالدى، دەپ حابارلايدى «ادىرنا» ءتىلشىسى.
«قازاقستان پرەزيدەنتى اكىمشىلىگىنىڭ كەلىسىمىمەن جانە قالا اكىمىنىڭ وكىمىمەن شىمكەنت قالاسى اكىمىنىڭ ورىنباسارى لاۋازىمىنا ەرجان سەيتەنوۆ تاعايىندالدى»،—دەلىنگەن حابارلامادا.
ەرجان ىرگەبايۇلى 1974 جىلعى 18 قىركۇيەكتە قىزىلوردا وبلىسى، جاڭاقورعان اۋدانىندا دۇنيەگە كەلگەن. ەڭبەك جولىن 1990 جىلى جاڭاقورعان تەمىر-بەتون كونسترۋكتسيالارىن ءوندىرۋ كاسىپورنى جۇمىسشىسى بولىپ باستاعان.
2002-2016 جىلدار ارالىعىندا جەكە سەكتوردا جاۋاپتى باسشىلىق قىزمەتتەر اتقارعان. 2016-2021 جىلدار ارالىعىندا الماتى قالاسىنىڭ جەردىڭ پايدالانىلۋى مەن قورعالۋىن باقىلاۋ، جاسىل ەكونوميكا، تۇرعىن ءۇي ساياساتى باسقارمالارىنىڭ باسشىسى، 2021-2023 جىلدارى الماتى قالاسى المالى اۋدانىنىڭ اكىمى لاۋازىمىندا ەڭبەك ەتكەن.
ايتا كەتەيىك، ول 2023 جىلعى قازان ايىنان باستاپ بۇگىنگى كۇنگە دەيىن شىمكەنت قالاسى اكىمىنىڭ اپپارات باسشىسى بولدى.
25 تامىزدا شىمكەنت اكىمىنىڭ ەكى بىردەي ورىنباسارى تاعايىندالعان بولاتىن.
