نازارباەۆتىڭ ۇشاعى ماسكەۋگە كەلىپ قوندى

2383
Adyrna.kz Telegram
فوتو: Stan.kz
فوتو: Stan.kz

قازاقستاننىڭ ەكس-پرەزيدەنتى نۇرسۇلتان نازارباەۆقا بەكىتىلگەن VIP-ۇشاق ماسكەۋگە كەلىپ قوندى. بۇل تۋرالى قازتاگ اگەنتتىگى جاريالادى، دەپ حابارلايدى “ادىرنا” ۇلتتىق پورتالى.

«بەركۋت» قازاقستاندىق مەملەكەتتىك اۋە كومپانياسىنىڭ Airbus A320 Neo ۇشاعىنىڭ رەسەي استاناسىنا كەلگەنىن جۇما كۇنى مارشرۋتتى جازىپ العان اۆياترەككەرلەردىڭ دەرەكتەرى دالەلدەيدى.

اتاپ ايتقاندا، VIP-ۇشاق ەۋروپالىق ءىرى ىسكەرلىك اۆياتسيا ورتالىعى ۆنۋكوۆو-3-كە كەلىپ قوندى.

كەيبىر مالىمەتتەر بويىنشا، قازاقستاننىڭ تۇڭعىش پرەزيدەنتى رەسەي استاناسىنا ۆلاديمير ءپۋتيننىڭ شاقىرۋىمەن كەلگەن. نازارباەۆتىڭ ءوزى پۋتينمەن كەزدەسۋدى سۇراعانىنا دالەل بار.

“نۇرسۇلتان نازارباەۆ ماسكەۋگە عانا ەمەس، سوچيگە دە بارۋعا نيەتتى”، دەپ حابارلايدى اقپارات كوزدەرى.

2020 جىلى پرەزيدەنت اكىمشىلىگى نازارباەۆقا قىزمەت كورسەتەتىن جاڭا Airbus A320 Neo ۇشاعىن ساتىپ الدى. سول كەزدە UDP ساتىپ العانعا ۇقساس VIP كونفيگۋراتسياسىنداعى Airbus A320 Neo ءۇشىن ءوندىرۋشى ءوز ۆەب-سايتىندا 110 ميلليون دوللارلىق رەسمي باعا بەلگىلەدى.

”ادىرنا” ۇلتتىق پورتالى

پىكىرلەر