ءبىز روستوۆتى قورشاپ الىپ، ماسكەۋگە بارامىز - پريگوجين

9415
Adyrna.kz Telegram
https://adyrna.kz/content/uploads/2023/06/b7cdc6bf-0bee-4d46-9101-fbc76b401f08.jpeg

دونداعى روستوۆ كوشەلەرىندە قارۋلى ادامدار مەن تانكتەر پايدا بولدى. بىرقاتار دەرەككوزدەرگە سايكەس، بۇل Wagner PMC بولىكتەرى. قالا اكىمدىگى تۇرعىنداردى مۇمكىندىگىنشە ۇيلەرىنەن شىقپاۋعا، كولىكتى پايدالانباۋعا شاقىرۋدا، دەپ حابارلايدى “ادىرنا” ۇلتتىق پورتالى رەسەيلىك باق-قا سىلتەمە جاساپ.

ءبىز روستوۆتى قورشاپ الىپ، ماسكەۋگە بارامىز، - دەدى ەۆگەني پريگوجين روستوۆتاعى وڭتۇستىك اسكەري وكرۋگىنىڭ شتاب-پاتەرىندە رەسەي قورعانىس ءمينيسترىنىڭ ورىنباسارى يۋنۋس-بەك ەۆكۋروۆ جانە باس شتاب باستىعىنىڭ ورىنباسارى ۆلاديمير الەكسەەۆپەن كەزدەسۋىندە.

سونداي-اق، ول قالاداعى بارلىق اسكەري نىساندار، سونىڭ ىشىندە اەرودروم جالدامالىلاردىڭ باقىلاۋىندا ەكەنىن ايتتى.

ازىرگە رەسەي بيلىگى بۇل مالىمدەمەنى رەسمي راستاعان جوق. بىراق، دميتري پەسكوۆتىڭ ءباسپاسوز حاتشىسى تاسس اقپارات اگەنتتىگىنە ايتقانداي، ۆلاديمير پۋتين «جاقىن ارادا» ۇندەۋ جاساۋى كەرەك.

Conflict Intelligence Team جوباسىنىڭ جەتەكشىسى رۋسلان لەۆيەۆ قالادا ۆاگنەريتتەر ەمەس، قورعانىس مينيسترلىگىنىڭ اسكەري قىزمەتكەرلەرى تۇرعانىن ايتادى. بۇل تۋرالى دا ۆەدومستۆو

تۇسىنىكتەمە بەرمەدى.

بەلگىلى بولعانداي، سەنبى كۇنى تاڭەرتەڭ ۆورونەجگە قاراي فەدەرالدىق تاس جولدىڭ بويىمەن اسكەري تەحنيكالار كورتەجى ءجۇرىپ كەلە جاتقان. جەرگىلىكتى ايماقتىق بيلىك تۇرعىنداردى «جاعداي باقىلاۋدا» دەپ سەندىرىپ، سابىر ساقتاۋدى سۇرادى. قالاداعى بارلىق قوعامدىق ءىس-شارالار توقتاتىلدى.

ال، ماسكەۋ مەرى مالىمدەگەندەي، قالادا لاڭكەستىككە قارسى شارالار جۇرگىزىلۋدە.

جولداردا قوسىمشا باقىلاۋ ەنگىزىلدى. بۇقارالىق شارالاردى وتكىزۋدى شەكتەۋگە بولادى، - دەدى سەرگەي سوبيانين تۇرعىنداردان اقپاراتقا تۇسىنىستىكپەن قاراۋدى سۇراپ.

ەسكە سالايىق، جۇما كۇنى پريگوجين رەسەيدىڭ ۋكراينادا جەڭىلىپ جاتقانىن، ەلدىڭ شىعىنى وراسان ەكەنىن، مايدانداعى جاعداي تۋرالى پرەزيدەنتتى الداپ جاتقانىن ايتتى. ول بارلىق جاۋاپكەرشىلىكتى قورعانىس مينيسترلىگىنىڭ باسشىلىعىنا، جەكە ونىڭ باسشىسى سەرگەي شويگۋعا جۇكتەپ، «ادىلەت مارشىنىڭ» باستالعانىن جاريالادى. كەيىن باس پروكۋراتۋرا ەۆگەني پريگوجينگە قارسى قارۋلى كوتەرىلىسكە شاقىرۋ بابى بويىنشا قىلمىستىق ءىس قوزعالعانىن حابارلادى.

پىكىرلەر