ءماجىلىس دەپۋتاتى ەرمۇرات ءباپي قازاقستاننىڭ ەكس-پرەزيدەنتى نۇرسۇلتان نازارباەۆتىڭ ماسكەۋگە بارىپ، رەسەي پرەزيدەنتى ۆلاديمير پۋتينمەن كەزدەسۋىن «قازاقگەيت-2» دەپ اتالاتىن اقش-تاعى جاڭا قىلمىستىق ىسپەن بايلانىستىردى، دەپ حابارلايدى "ادىرنا" ۇلتتىق پورتالى.
بۇل تۋرالى دەپۋتات Elmedia جوباسىنىڭ ەفيرىندە مالىمدەگەن. ول اقش-تا اۋقىمدى جانجالدىڭ كۇتىلىپ جاتقانىن حابارلاعان.
«مەنىڭ قولىمداعى اقپاراتقا سايكەس، امەريكا قۇراما شتاتتارىندا «قازاقگەيت-2» دەپ اتالاتىن جاڭا اۋقىمدى جانجال كۇتىلۋدە. اقش-تىڭ ادىلەت مينيسترلىگى كەزىندە امەريكاندىق ازاماتتاردىڭ، كومپانيالاردىڭ، ساقتاندىرۋ ۇيىمدارىنىڭ جانە ساراپشىلاردىڭ قىزمەتتەرىن پايدالانعان الەمدىك كلەپتوكراتتارعا قاتىستى قىلمىستىق ءىس دايىنداپ جاتىر. ەگەر سول سۋبەكتىلەردىڭ قىزمەتى پايدالانىلعان بولسا، بۇل ادامدارعا قارسى قىلمىستىق ءىس قوزعالادى»، – دەدى دەپۋتات ءباپي.
ەرمۇرات ءباپيدىڭ ايتۋىنشا، بۇل اقپارات ينسايدەرلىك دەرەككوزدەردەن الىنعان.
«ماعان ەكس-پرەزيدەنت نۇرسۇلتان نازارباەۆتىڭ ماسكەۋگە بارىپ، كرەملدە پۋتينمەن كەزدەسۋى، قازاقستان رەسپۋبليكاسىنىڭ مەملەكەتتىك قۇپيالار تۋرالى زاڭىنا جاڭا نورمالاردى ەنگىزۋ – ءبارى وسى الەمدىك جانجالعا بايلانىستى سياقتى كورىنەدى. ءبىز تەك كۇتۋىمىز كەرەك، بۇل ىسكە قاتىستى شىندىق اشىلادى دەپ ويلايمىن. بۇل وقيعا «پاندورا جاشىگى» سەكىلدى ۇلكەن اسەر ەتۋى مۇمكىن»، – دەدى ول.
سونىمەن قاتار، ەرمۇرات ءباپي نازارباەۆتىڭ دەنساۋلىعى مەن جەكە ءومىرى تۋرالى مالىمەتتەردى مەملەكەتتىك قۇپيا رەتىندە بەلگىلەۋدى كوزدەيتىن زاڭعا قارسى پىكىر ءبىلدىردى. اتالعان نورمالار قازىر پرەزيدەنت قاسىم-جومارت توقاەۆتىڭ قول قويۋىنا جىبەرىلگەن.
دەپۋتات ەرمۇرات ءباپي جاڭا قىلمىستىق ءىس اۋقىمى جاعىنان العاشقى «قازاقگەيتتى» باسىپ وزۋى مۇمكىن ەكەنىن ايتتى. ول بۇل ءىستىڭ ناتيجەسىندە نازارباەۆتىڭ بەدەلى مەن ونىڭ ارەكەتتەرىنە قاتىستى كوپتەگەن جاڭا سۇراقتار تۋىندايتىنىنا سەنىمدى.
«قازاقگەيت» – بۇل 1990 جىلداردىڭ سوڭىندا جانە 2000 جىلداردىڭ باسىندا حالىقارالىق دەڭگەيدە ورىن العان سىبايلاس جەمقورلىق جانجالى.
ەسكە سالا كەتەيىك، 13 جەلتوقساندا كرەمل نازارباەۆ پەن ءپۋتيننىڭ رەسەيدەگى پرەزيدەنتتىك رەزيدەنتسيادا كەزدەسكەنىن حابارلاعان ەدى.
كەزدەسۋ بارىسىندا تالقىلانعان ماسەلەلەر تۋرالى تولىق مالىمەت بەرىلمەگەن. رەسمي مالىمدەمە تەك 14 جەلتوقساندا كرەملدىڭ رەسمي سايتىندا حابارلاندى.
«نوۆو-وگارەۆودا رەسەي پرەزيدەنتى ۆلاديمير پۋتين قازاقستاننىڭ تۇڭعىش پرەزيدەنتى نۇرسۇلتان نازارباەۆپەن كەزدەسۋ وتكىزدى»، – دەلىنگەن كرەمل تاراتقان اقپاراتتا.
