وڭتۇستىك كورەيانىڭ پۋسان اۋەجايىندا گونكونگقا ۇشۋعا دايىندالىپ جاتقان Air Busan ۇشاعى ورتەنىپ كەتتى. بۇل تكرالى Yonhap اگەنتتىگى جازدى، دەپ حابارلايدى “ادىرنا” ۇلتتىق پورتالى.
اقپاراتقا سايكەس، ۇشاق بورتىندا 176 ادام بولعان. بارلىق 169 جولاۋشى مەن 7 ەكيپاج مۇشەلەرى ۇرلەمەلى باسپالداقتارمەن ۋاقىتىندا ەۆاكۋاتسيالاندى. ورتسوندىرۋشىلەردىڭ حابارلاۋىنشا، ەۆاكۋاتسيا كەزىندە ءۇش ادام جەڭىل جاراقات العان.
«2025 جىلدىڭ 28 قاڭتارىندا شامامەن 22:30 (باكۋ ۋاقىتىمەن 17:30) كيمحە اۋەجايىندا گونكونگقا باعىت العان Air Busan ۇشاعى وتقا وراندى. وسىعان بايلانىستى 170-تەن استام جولاۋشى ۇشاقتى شۇعىل تۇردە تاستاپ شىقتى. قايعىلى وقيعا بولعان جوق»، — دەپ حابارلادى اگەنتتىك.
توتەنشە جاعدايلار قىزمەتىنىڭ حابارلاۋىنشا، ءورت ۇشۋعا بىرنەشە مينۋت قالعاندا ۇشاقتىڭ ارتقى جاعىندا باستالىپ، ونىڭ فيۋزەلياجىنا تەز تارالدى. بورت تولىعىمەن جانىپ كەتتى.
اقپاراتقا سايكەس، ءورت سوندىرۋشىلەر وقيعا ورنىنا دابىل العاننان كەيىن بىردەن جەتكەن.
