2022 جىلدىڭ مامىر ايىندا قازاقستان مەن تۇركيا اسكەري ىنتىماقتاستىق تۋرالى كەلىسىمگە قول قويدى، دەپ حابارلايدى “ادىرنا” ۇلتتىق پورتالى.
اسكەري تەحنيكا، ونىڭ ىشىندە ءتۇرلى ماركالى ۇشقىشسىز ۇشاقتار شىعاراتىن «Turkish Aerospace» كومپانياسىنىڭ باس ديرەكتورى ومەر يىلدىز Anadolu اقپارات اگەنتتىگىنە ANKA ۇشقىشسىز ۇشاقتارىنىڭ العاشقى پارتياسى 20 ماۋسىمدا قازاقستانعا جىبەرىلەتىنىن ايتتى.
سونداي-اق، يىلدىز بۇرىننان قولدانىلعان MAM-L جانە MAM-C شاعىن زىمىراندارىمەن بىرگە انكا ءۇشىن ارنايى باسقارىلاتىن اۋىر كۇزگۋن وق-دارىلەرى جاسالعانىن اتاپ ءوتتى.
«رەاكتيۆتى قوزعالتقىشى بار كۋزگۋن باسقالارعا قاراعاندا اۋىر. ونىڭ سالماعى 100 كەلىگە دەيىن جەتەدى. ول سالماعى 60-90 كەلىگە دەيىنگى وقتۇمسىقتى كوتەرە الادى. ونىڭ قاتتى وتىندى قوزعالتقىش جۇيەسى بار، الدەقايدا ۇلكەن قاشىقتىقتى ەڭسەرەدى. ايدىڭ سوڭىنا دەيىن انكا كۋزگۋنمەن جابدىقتالادى»، - دەدى ول.
ەسكە سالايىق، 10 مامىردا قازاقستان مەن تۇركيا اسكەري-تەحنيكالىق ىنتىماقتاستىق تۋرالى كەلىسىمگە قول قويدى. انكارا تەحنولوگيانى تاسىمالداپ، قازاقستان ارمياسىن ۇشقىشسىز ۇشاقتارعا تەحنيكالىق قىزمەت كورسەتۋ جانە جوندەۋ ءۇشىن پەرسونالدى وقىتادى.
«جاڭا كەلىسىم باۋىرلاس قازاقستانمەن دوستىق بايلانىستى ودان ءارى نىعايتادى»، - دەپ اتاپ ءوتتى تۇرىك تاراپى.
Anka بارلاۋ جانە سوققى بەرۋ ۇشقىشسىز ۇشاعى تۇركيادا 2013 جىلى جاسالعان. جاۋىنگەرلىك جاعدايدا سىناقتان ءوتتى. ۇاو ماكسيمالدى ۇشۋ سالماعى 1700 كگ جانە 350 كگ-عا دەيىنگى پايدالى جۇكتى كوتەرە الادى. ۇشۋ ۋاقىتى – 9000 مەترگە دەيىنگى ماكسيمالدى بيىكتىكتە 30 ساعاتقا دەيىن. قاناتىنىڭ ۇزىندىعى 17,5 مەتر، ۇزىندىعى شامامەن 8 مەتر.
“ادىرنا” ۇلتتىق پورتالى
