2022 jyldyŋ mamyr aiynda Qazaqstan men Türkiia äskeri yntymaqtastyq turaly kelısımge qol qoidy, dep habarlaidy “Adyrna” ūlttyq portaly.
Äskeri tehnika, onyŋ ışınde türlı markaly ūşqyşsyz ūşaqtar şyǧaratyn «Turkish Aerospace» kompaniiasynyŋ bas direktory Ömer Iyldyz Anadolu aqparat agenttıgıne ANKA ūşqyşsyz ūşaqtarynyŋ alǧaşqy partiiasy 20 mausymda Qazaqstanǧa jıberıletının aitty.
Sondai-aq, Iyldyz būrynnan qoldanylǧan MAM-L jäne MAM-C şaǧyn zymyrandarymen bırge ANKA üşın arnaiy basqarylatyn auyr Küzgun oq-därılerı jasalǧanyn atap öttı.
«Reaktivtı qozǧaltqyşy bar Kuzgun basqalarǧa qaraǧanda auyr. Onyŋ salmaǧy 100 kelıge deiın jetedı. Ol salmaǧy 60-90 kelıge deiıngı oqtūmsyqty kötere alady. Onyŋ qatty otyndy qozǧaltqyş jüiesı bar, äldeqaida ülken qaşyqtyqty eŋseredı. Aidyŋ soŋyna deiın ANKA Kuzgunmen jabdyqtalady», - dedı ol.
Eske salaiyq, 10 mamyrda Qazaqstan men Türkiia äskeri-tehnikalyq yntymaqtastyq turaly kelısımge qol qoidy. Ankara tehnologiiany tasymaldap, Qazaqstan armiiasyn ūşqyşsyz ūşaqtarǧa tehnikalyq qyzmet körsetu jäne jöndeu üşın personaldy oqytady.
«Jaŋa kelısım bauyrlas Qazaqstanmen dostyq bailanysty odan ärı nyǧaitady», - dep atap öttı türık tarapy.
Anka barlau jäne soqqy beru ūşqyşsyz ūşaǧy Türkiiada 2013 jyly jasalǧan. Jauyngerlık jaǧdaida synaqtan öttı. ŪAO maksimaldy ūşu salmaǧy 1700 kg jäne 350 kg-ǧa deiıngı paidaly jüktı kötere alady. Ūşu uaqyty – 9000 metrge deiıngı maksimaldy biıktıkte 30 saǧatqa deiın. Qanatynyŋ ūzyndyǧy 17,5 metr, ūzyndyǧy şamamen 8 metr.
“Adyrna” ūlttyq portaly
