قازاقستان مەن پولشا اراسىنداعى رەيستەر قالپىنا كەلمەك

3411
Adyrna.kz Telegram

2021 جىلعى 28 مامىرداعى قازاقستان رەسپۋبليكاسىندا كوروناۆيرۋستىق ينفەكتسيانىڭ پايدا بولۋى مەن تارالۋىن بولدىرماۋ جونىندەگى ۆەدومستۆوارالىق كوميسسيانىڭ شەشىمىنە سايكەس، قازاقستان مەن پولشا اراسىندا تۇراقتى رەيستەر قالپىنا كەلتىرىلدى، دەپ حابارلايدى "ادىرنا" ۇلتتىق پورتالى.

اپتاسىنا ءبىر رەيس ۇشاتىن پولياكتاردىڭ «LOT Polish Airlines» اۆياكومپانياسى ۆارشاۆا مەن نۇر-سۇلتان قالالارىنىڭ اراسىنداعى رەيستەردى قالپىنا كەلتىرەدى دەپ جوسپارلانعان. ءبىرىنشى ۆارشاۆا-نۇر-سۇلتان-ۆارشاۆا رەيسى 2021 جىلى 10 ماۋسىمدا ورىندالادى، سودان كەيىن ەكى مەملەكەتتىڭ استانالارى اراسىنداعى رەيستەر دۇيسەنبىدە B-737 ۇشاعىمەن ۇشادى، دەپ قازاقستان رەسپۋبليكاسى ازاماتتىق اۆياتسيا كوميتەتىنىڭ ءباسپاسوز قىزمەتى حابارلادى.

كورسەتىلگەندەي، قازاقستان مەن پولشا اراسىنداعى رەيستەردىڭ ودان ءارى ءوسۋى ەپيدەميولوگيالىق جاعدايعا جانە ۆەدومستۆوارالىق كوميسسيانىڭ ءتيىستى شەشىمدەرىنە بايلانىستى بولادى.

رەيستەر سانيتارلىق-ەپيدەميولوگيالىق تالاپتاردى قاتاڭ ساقتاي وتىرىپ جانە اۆياكومپانيا سايتىندا جاريالانعان كەستەگە سايكەس جۇزەگە اسىرىلادى.

"ادىرنا" ۇلتتىق پورتالى

پىكىرلەر