ەۋروپالىق وداق قازاقستانداعى سۋ تاسقىنىنان زارداپ شەككەندەرگە گۋمانيتارلىق كومەك كورسەتتى، دەپ حابارلايدى "ادىرنا" ءتىلشىسى «يا نوۆوستي-كازاحستان»-عا سىلتەپ.
گۋمانيتارلىق كومەك 127 427 ەۋرو كولەمىندە كورسەتكەن.
«2015 جىلدىڭ ءساۋىر ايىندا قازاقستاننىڭ ورتالىق جانە سولتۇستىك ايماقتارىندا بولعان سۋ تاسقىنىنا بايلانىستى ەۋروپالىق كوميسسيا سۋ تاسقىنىنان ەڭ كوپ زارداپ شەككەن حالىققا كومەك كورسەتۋ ءۇشىن 127 427 ەۋرو كولەمىندە گۋمانيتارلىق كومەك ءبولدى»، - دەلىنگەن حابارلامادا.
اقپاراتقا سايكەس، ەو-نىڭ بۇل قارجىلاندىرۋى قازاقستان رەسپۋبليكاسىنىڭ قىزىل جارتى اي قوعامىنا اسا قاجەتتى كومەكتى، ونىڭ ىشىندە ءتۇرلى تاۋارلارمەن قولداۋ كورسەتەدى.
«الداعى ءۇش ايدا كومەك ەڭ الدىمەن 1000-عا جۋىق ەڭ وسال وتباسىلارعا، سونىڭ ىشىندە ايەلدەر باسقاراتىن، كوپ بالالى نەمەسە قارت ادامدارى بار وتباسىلارعا، سونداي-اق ۇيلەرى ايتارلىقتاي قيراعان نەمەسە مۇلكى بۇزىلعان وتباسىلارعا بەرىلەدى»، - دەلىنگەن ءباسپاسوز حابارلاماسىندا.
