“ادىرنا” ۇلتتىق پورتالى YouTube ارناسىنىڭ كەزەكتى قوناعى – جاپونيادا ءبىلىم الىپ، تاجىريبە جيناعان ينجەنەر ءارى وسى باعىتتاعى مامانداردى دايارلاۋ باعدارلاماسىن ازىرلەگەن سەرىك مۇراتحان.
پودكاستتا قازاقستاندا ءالى كۇنگە دەيىن تولىق دامىماي كەلە جاتقان كلينيكالىق ينجەنەريا سالاسى ءسوز بولادى.
اڭگىمە بارىسىندا كلينيكالىق ينجەنەرلەردىڭ دەنساۋلىق ساقتاۋ جۇيەسىندەگى ورنى، شەتەلدىك تاجىريبەنى بەيىمدەۋدەگى قيىندىقتار، مەديتسينالىق تەحنيكاعا تاۋەلدىلىك پەن ونى دۇرىس پايدالانۋدىڭ ماسەلەلەرى ايتىلادى.
سونداي-اق ەلىمىزدە جاڭا ماماندىقتاردى ەنگىزۋ، وتاندىق مەديتسينالىق قۇرىلعى ءوندىرىسى، ينجەنەر مەن دارىگەردىڭ بىرلەسكەن جۇمىسىنىڭ بولاشاعى جايىندا وي قوزعالادى.
بۇل سۇحبات – دەنساۋلىق ساقتاۋ سالاسىنا بەيجاي قارامايتىن، جاڭا يدەيالار مەن تىڭ كوزقاراستاردى ىزدەيتىن ءاربىر جانعا پايدالى بولماق.
