بقو-دا جۇمىسشىلار سايلاۋ ۋچاسكەلەرىنە تراكتورمەن كەلدى

2800

رەفەرەندۋم دەمالىس كۇنى بولعانىمەن، جەكسەنبى كۇنى دە جۇمىس ىستەيتىن كاسىپ يەلەرى بار. بىراق بايتەرەك اۋدانىنىڭ اۋىل شارۋاشىلىعى جانە كوممۋنالدىق شارۋاشىلىعى قىزمەتكەرلەرى داۋىس بەرۋگە ۋاقىت تاۋىپ، تۇسكى ۋاقىتتا بۇكىل ۇجىم سايلاۋ ۋچاسكەسىنە كەلدى، دەپ حابارلايدى “ادىرنا” ۇلتتىق پورتالى. 

باتىس قازاقستان وبلىسى بايتەرەك اۋدانىنداعى سايلاۋ ۋچاسكەلەرىنىڭ بىرىنە ەرەكشە دەلەگاتسيا كەلدى. اۋىل شارۋاشىلىعى جانە كوممۋنالدىق قىزمەت كورسەتۋ سالاسىنىڭ قىزمەتكەرلەرى رەفەرەندۋمعا تراكتورمەن كەلىپ، داۋىس بەردى.

قازىر دالا جۇمىستارىنىڭ ماۋسىمى قىزىپ تۇر. دەگەنمەن، بارلىق قيىندىقتارعا قاراماستان، ادامدار ازاماتتىق بورىشىن وتەۋگە ۋاقىت تاپقان.

«جۇمىس – جۇمىس، بىراق داۋىس بەرۋ كەرەك. مىنە، ءبىز ارىپتەستەرىمىزبەن كەلدىك. تەز داۋىس بەرىپ، جۇمىسقا كىرىسەمىز. مەن ءۇشىن ەلدىڭ بولاشاعى، بالالارىمىز بەن نەمەرەلەرىمىز ماڭىزدى. ءبىز ولار ءۇشىن جۇمىس ىستەيمىز»، - دەدى تراكتورشى اناتولي كۋرەدا.

ايتا كەتەيىك، جۇمىس بەرۋشىلەر قىزمەتكەرلەردىڭ رەفەرەندۋمدا داۋىس بەرۋگە دەگەن ىنتاسىن وڭ قابىلدادى. سوندىقتان بقو-داعى سايلاۋ ۋچاسكەلەرىندە تۇتاس ەڭبەك ۇجىمدارىن ءجيى كەزدەستىرۋگە بولادى.

ادىرنا” ۇلتتىق پورتالى

 

پىكىرلەر
ۇقساس جاڭالىقتار
Серіктестер/Партнеры
Студия IMA - создание сайтов Доставка цветов Астана - Lova Buket