ميللياردەر جانە Microsoft كومپانياسىنىڭ نەگىزىن قالاۋشى بيلل گەيتس جاڭا پاندەميا تۋرالى بولجام جاسادى. بۇل تۋرالى ول El Diario باسىلىمىنا بەرگەن سۇقباتىندى ايتتى، دەپ حابارلايدى «ادىرنا» ءتىلشىسى.
«الەمدى كوروناۆيرۋستان دا قاۋىپتى اپات كۇتىپ تۇر. بۇل – ادام جاساعان ۆيرۋس، ونى دامىتاتىن جانە ادەيى تاراتاتىن بيوتەرروريست بولۋى مۇمكىن. ادام پوپۋلياتسياسى ءوسىپ كەلەدى، ال ءبىز ەكوجۇيەلەردى كوبىرەك باسىپ جاتىرمىز. سوندىقتان مەن الداعى جيىرما جىلدا كليماتتىڭ وزگەرۋى ناتيجەسىندە تابيعي تۇردە پايدا بولاتىن پاندەمياعا ۇشىراۋ مۇمكىندىگىمىز 50%-عا جەتتى دەپ سانايمىن»،— دەدى اقش كاسىپكەرى.
ايتۋىنشا، مۇنداي ستسەناريدىڭ الدىن الۋ ءۇشىن كوروناۆيرۋستىق پاندەميادان ساباق الۋىمىز كەرەك.
«دۇنيەجۇزىلىك دەنساۋلىق ساقتاۋ ۇيىمىن قارجىلاندىرۋدى 25%-عا ۇلعايتىپ، ەپيدەمياعا قارسى حالىقارالىق توپ قۇرۋ كەرەك. ەگەر كوروناۆيرۋستىق پاندەميا بولماسا، مايمىل شەشەگى تۋرالى جاڭالىقتاردا دا بولماس ەدى»،— دەپ ءتۇسىندىردى بيلل گەيتس.
«ادىرنا» ۇلتتىق پورتالى
