مادەنيەت جانە اقپارات ءمينيسترى ايدا بالاەۆا ەلدى شۋلاتقان "حابار" ارناسىنداعى "بىراق" باعدارلاماسىنا قاتىستى مالىمدەمە جاسادى، دەپ حابارلايدى "ادىرنا" ۇلتتىق پورتالى. بۇل تۋرالى ول ءوزىنىڭ Facebook-تەگى پاراقشاسىندا جازدى.
تۇرمىستىق زورلىق-زومبىلىق تاقىرىبى قوزعالعان "بىراق" باعدارلاماسىنىڭ شىعارىلىمى قوعامدا ۇلكەن رەزونانس تۋدىرعان بولاتىن. مينيستر اتالمىش جاعدايدى نازاردان تىس قالدىرمادى:
"وتباسىلىق قۇندىلىقتاردى ناسيحاتتاۋ، انا مەن بالانى قورعاۋ جونىندەگى قىزمەتتى ۇيلەستىرۋ، وتباسىلىق-تۇرمىستىق زورلىق-زومبىلىققا قارسى ءىس-قيمىلدى ناسيحاتتاۋ مينيسترلىكتىڭ باستى مىندەتتەرىنىڭ ءبىرى.
ءوز كەزەگىندە، 11 ناۋرىزدان باستاپ «حابار» ارناسىندا وتباسىنداعى الەۋمەتتىك ماسەلەلەرىن كوتەرىپ، ونى شەشۋگە باعىتتالعان «بىراق...» باعدارلاماسىنىڭ شىعارىلىمى ۇيىمداستىرىلدى. الايدا، تىكەلەي ەفيردەگى بەرىلگەن شىعارىلىمدا رەداكتسيا باعدارلامانىڭ دىتتەگەن ماقساتىنا جەتە الماي، كەيىپكەردى جاڭىلىستىرۋ ارقىلى قوعامدا ءتۇرلى پىكىرلەر تۋىنداتتى" دەدى ول.
ايدا بالاەۆا تەلارنادا بولعان جاعداي ۇلكەن ساباق بولعانىن اتاپ، توك-شوۋدىڭ جابىلاتىنىن جازدى:
"مەملەكەتتىك يدەولوگيانى جۇرگىزىپ وتىرعان مەملەكەتتىك تەلەارنا بۇنداي ولقىلىققا جول بەرمەۋى ءتيىس ەدى.
ەڭ الدىمەن، رەداكتسيا بارلىق ەتيكالىق نورمالاردى ساقتاپ، وتباسىلىق-تۇرمىستىق زورلىق-زومبىلىق پەن ارانداتۋشىلىققا جول بەرمەۋگە، كەيىپكەرلەردى كوپشىلىك الدىندا قورلاماۋ قاجەت ەدى.
سوندىقتان تەلەارنا رەداكتسياسىنا بۇل ۇلكەن ساباق بولادى دەپ سانايمىز. اتالعان توك-شوۋ جابىلادى" دەلىندى مينيستر پوستىندا.
