نۇر-سۇلتاندا بۇرىنعى دەنساۋلىق ساقتاۋ ءمينيسترى ەلجان ءبىرتانوۆ پەن ونىڭ ورىنباسارى ولجاس ابىشەۆكە قاتىستى نەگىزگى سوت وتىرىسى باستالدى، دەپ حابارلايدى «ادىرنا» ءتىلشىسى.
پروتسەسس №2 سارىارقا اۋداندىق سوتىندا وتۋدە.
«كوڭىل-كۇيىم جاقسى، ادۆوكاتتارىم وتىرىس اياقتالعانعا دەيىن ەشقانداي تۇسىنىكتەمە بەرمەۋگە كەڭەس بەردى. كۇرەسەتىن بولامىز. وتىرىستا تولىقتاي ەستيسىزدەر»،– دەدى ءبىرتانوۆ جۋرناليستەرگە.
ايتا كەتەيىك، ەلجان ءبىرتانوۆ قازاقستان رەسپۋبليكاسى قىلمىستىق كودەكسىنىڭ 361-بابىنىڭ 4-بولىگى، 2-تارماعى، 361-بابىنىڭ 3-بولىگىمەن جانە ولجاس ابىشەۆ قىلمىستىق كودەكستىڭ 361-بابىنىڭ 4-بولىگىنىڭ 2-تارماعى بويىنشا قىلمىس جاسادى دەپ ايىپتالىپ وتىر.