بولات ءابىلوۆ «ءبىزدىڭ تاڭداۋ» ساياسي پارتياسىن قۇرۋ تۋرالى مالىمدەمە جاسادى، دەپ حابارلايدى «ادىرنا» ۇلتتىق پورتالى.
«ءبىز ساياسي، ەكونوميكالىق، الەۋمەتتىك وزگەرىستەردى بايقاماي وتىرعانىمىزدى تاعى دا ايتۋعا ءماجبۇرمىز. سوندىقتان ءبىز بۇگىن ساياسي پارتيانىڭ قۇرىلعانىن جاريالايمىز. بۇل ءبىزدىڭ تاڭداۋىمىز. دەموكراتيا ءۇشىن تاڭداۋ، ەركىندىك ءۇشىن تاڭداۋ، ادىلدىك ءۇشىن تاڭداۋ»، - دەدى ءابىلوۆ دۇيسەنبى كۇنى ءباسپاسوز ءماسليحاتىندا.
جاڭا پارتيانىڭ نەگىزگى ميسسيالارىنىڭ ءبىرى – ەل كونستيتۋتسياسىنا پرەزيدەنتتىك رەسپۋبليكادان پارلامەنتتىك رەسپۋبليكاعا ءوتۋدى كوزدەيتىن وزگەرتۋلەر ەنگىزۋ بولماق.
«ءبىز سۋپەر-پرەزيدەنتتىك كونستيتۋتسيا بولعان جانە سولاي بولىپ قالا بەرەتىنىنە سەنەمىز. سوندىقتان ءبىزدىڭ باستى شارتىمىزدىڭ ءبىرى – كونستيتۋتسياعا وزگەرىستەر ەنگىزۋدى ۇسىنعىمىز كەلەدى. بۇل ءبىزدىڭ باستى ميسسيالارىمىز بەن ماقساتتارىمىزدىڭ ءبىرى»، - دەدى ءابىلوۆ.
«ادىرنا» ۇلتتىق پورتالى
