سىرتقى ىستەر مينيسترلىگى رەسەيدىڭ مۋرمانسك وبلىسىندا قازاقستاندىقتاردىڭ قاتىسۋىمەن بولعان جاپپاي توبەلەس تۋرالى پىكىر ءبىلدىردى، - دەپ حابارلايدى "ادىرنا" ۇلتتىق پورتالى، Tengrinews.kz-كە سىلتەمە جاساپ.
وقيعا اۋىسىم جۇمىسشىلارىنىڭ قاتىسۋىمەن 23 ناۋرىز كۇنى كەشكە ورىن العان.
«شامامەن 20.30-دا مۋرمانسك وبلىسىنىڭ بەلوكامەنكا اۋىلىنىڭ جانىنداعى تەڭىز قۇرىلىمدارى ورتالىعىنىڭ قۇرىلىس الاڭدارىنىڭ بىرىندە ۆاحتالىق جۇمىسشىلاردىڭ جاپپاي توبەلەسى بولدى. ونىڭ ىشىندە قازاقستان رەسپۋبليكاسىنىڭ ازاماتتارى دا بار. قولدا بار مالىمەتتەرگە سايكەس، جاراقات العاندار مەن قۇقىق قورعاۋ ورگاندارى ۇستاعان قازاقستاندىقتار جوق «، - دەدى ءسىم وكىلى ايبەك سمادياروۆ.
ونىڭ ايتۋىنشا، سانكت-پەتەربۋرگتەگى قازاقستاننىڭ باس كونسۋلدىعى بۇل ماسەلەنى باقىلاۋدا ۇستايدى. بۇعان دەيىن مۋرمانسك وبلىسىندا بولعان جاپپاي توبەلەستىڭ ۆيدەوسى الەۋمەتتىك جەلىلەردە تاراعان بولاتىن. جەرگىلىكتى باق التى ادام جاراقات الدى دەپ حابارلادى. دارىگەرلەر ولارعا امبۋلاتوريالىق قىزمەت كورسەتۋدە.
"ادىرنا" ۇلتتىق پورتالى
