رەسەيلىك جۋرناليست تيگران كەوسايان قازاقستانعا جاۋاپ بەردى، دەپ حابارلايدى “ادىرنا” ۇلتتىق پورتالى.
ول بۇل تۋرالى ءوزىنىڭ يۋتۋب ارناسىنا كەزەكتى بەينەماتەريالىن شىعارىپ، قازاقستانعا مالىمدەمە جاسادى.
ايتۋىنشا، العاشقى ۆيدەوسى كوپ قارالىم جيناپ، كوپتىڭ نارازىلىعىن تۋدىرعاننان كەيىن 2 اپتادا قازاقستان تۋرالى بىرنەشە مالىمەت جيناعان. قازاقستاننىڭ تۇڭعىش پرەزيدەنتى نۇرسۇلتان نازارباەۆ كەزىندەگى قازاقستان مەن وزگە ەلدەر اراسىنداعى كەلىسىمى ۋكراينانىڭ وتكەن ارەكەتىنە ۇقساس ەكەن.
“كوپتىلدى ەل ءۇشىن قاۋىپتى. قازىر ۋكراينادا نە بولىپ جاتقانىن كورۋدەمىز. جانە قازاقستاندى دا ايتۋىمىزعا بولادى… نازارباەۆ قازاقستانعا امەريكاندىقتاردىڭ بيولاباراتوريا سالۋىنا رۇقسات بەردى. ۋكراينا دا بۇرىن سولاي ىستەگەن. ەستەرىڭىزدە مە؟ ناتيجەسى نە بولدى؟” ،- دەدى كەسويان بينەماتەريالدا.
سونداي-اق، ول كسرو تاراعاننان كەيىن، تاۋەلسىزدىك العان 15 ەل تۋرالى ايتا كەلە، “تاۋەلسىزبىن” دەگەن يران، يراك، يۋگوسلاۆيا، اۋعانستان ەلدەرىنىڭ قازىرگى كۇيىنە توقتالدى.
“مەن قورقىتپايمىن، ەسكەرتەمىن! بۇل نەگە اپارادى؟ قازىرگى ۋكراينانىڭ قانداي كۇيگە تۇسكەنىن ەسكە الىڭىزدار! كىتاپتار، ورىس تىلىنە تىيىم سالۋ، ورتاق مەرەكەلەردى الىپ تاستاۋ، كوشە اتتارىن وزگەرتكەننەن نە شىقتى؟ “، -دەدى ول.
“ادىرنا” ۇلتتىق پورتالى
