“رەسەي-قازاقستان ءۇشىن وتە ماڭىزدى ساپار بولماق” - پۋتين توقاەۆتى ماسكەۋگە نە ءۇشىن شاقىردى؟

5273
Adyrna.kz Telegram

قازاقستان پرەزيدەنتى قاسىم-جومارت توقاەۆ ۆلاديمير ءپۋتيننىڭ شاقىرۋىمەن ماسكەۋگە باردى. بۇگىن مەملەكەت باسشىلارى ماڭىزدى ەكىجاقتى قۇجاتتارعا قول قويماق. بۇل تۋرالى رەسەي پرەزيدەنتىنىڭ ءباسپاسوز حاتشىسى دميتري پەسكوۆ حابارلادى، دەپ جازادى "ادىرنا" ۇلتتىق پورتالى. 

كرەملدىڭ حابارلاۋىنشا، كەزدەسۋدە «رەسەي-قازاقستان ستراتەگيالىق سەرىكتەستىك پەن وداقتاستىق قاتىناستارىن ودان ءارى دامىتۋ ماسەلەلەرىن، سونداي-اق ەۋرازيالىق كەڭىستىكتەگى ينتەگراتسيالىق بىرلەستىكتەر اياسىنداعى ءوزارا ءىس-قيمىل پەرسپەكتيۆالارىن تالقىلاۋ جوسپارلانۋدا».

«بۇل ءبىز ءۇشىن جانە رەسەي-قازاقستان اراسىنداعى ەكىجاقتى قارىم-قاتىناستار ءۇشىن تولىق اۋقىمدى، وتە ماڭىزدى ساپار بولماق»، - دەدى رەسەي باسشىسىنىڭ ءباسپاسوز حاتشىسى دميتري پەسكوۆ.

ناتيجەسىندە قۇجاتتارعا، سونىڭ ىشىندە رەسەي مەن قازاقستان اراسىنداعى ديپلوماتيالىق قارىم-قاتىناستاردىڭ ورناعانىنا 30 جىل تولۋىنا بايلانىستى دەكلاراتسياعا قول قويۋ جوسپارلانۋدا.

"ادىرنا" ۇلتتىق پورتالى

پىكىرلەر
ۇقساس جاڭالىقتار
Серіктестер/Партнеры
Студия IMA - создание сайтов Доставка цветов Астана - Lova Buket