Reseılik jýrnalıst Tıgran Keosaıan Qazaqstanǵa jaýap berdi, dep habarlaıdy “Adyrna” ulttyq portaly.
Ol bul týraly óziniń ıýtýb arnasyna kezekti beınematerıalyn shyǵaryp, Qazaqstanǵa málimdeme jasady.
Aıtýynsha, alǵashqy vıdeosy kóp qaralym jınap, kóptiń narazylyǵyn týdyrǵannan keıin 2 aptada Qazaqstan týraly birneshe málimet jınaǵan. Qazaqstannyń tuńǵysh prezıdenti Nursultan Nazarbaev kezindegi Qazaqstan men ózge elder arasyndaǵy kelisimi Ýkraınanyń ótken áreketine uqsas eken.
“Kóptildi el úshin qaýipti. Qazir Ýkraınada ne bolyp jatqanyn kórýdemiz. Jáne Qazaqstandy da aıtýymyzǵa bolady… Nazarbaev Qazaqstanǵa amerıkandyqtardyń bıolabaratorııa salýyna ruqsat berdi. Ýkraına da buryn solaı istegen. Esterińizde me? Nátıjesi ne boldy?” ,- dedi Kesoıan bınematerıalda.
Sondaı-aq, ol KSRO taraǵannan keıin, táýelsizdik alǵan 15 el týraly aıta kele, “táýelsizbin” degen Iran, Irak, Iýgoslavııa, Aýǵanstan elderiniń qazirgi kúıine toqtaldy.
“Men qorqytpaımyn, eskertemin! Bul nege aparady? Qazirgi Ýkraınanyń qandaı kúıge túskenin eske alyńyzdar! Kitaptar, orys tiline tyıym salý, ortaq merekelerdi alyp tastaý, kóshe attaryn ózgertkennen ne shyqty? “, -dedi ol.
“Adyrna” ulttyq portaly
