Reseilık jurnalist Tigran Keosaian Qazaqstanǧa jauap berdı, dep habarlaidy “Adyrna” ūlttyq portaly.
Ol būl turaly özınıŋ iutub arnasyna kezektı beinematerialyn şyǧaryp, Qazaqstanǧa mälımdeme jasady.
Aituynşa, alǧaşqy videosy köp qaralym jinap, köptıŋ narazylyǧyn tudyrǧannan keiın 2 aptada Qazaqstan turaly bırneşe mälımet jinaǧan. Qazaqstannyŋ tūŋǧyş prezidentı Nūrsūltan Nazarbaev kezındegı Qazaqstan men özge elder arasyndaǧy kelısımı Ukrainanyŋ ötken äreketıne ūqsas eken.
“Köptıldı el üşın qauıptı. Qazır Ukrainada ne bolyp jatqanyn körudemız. Jäne Qazaqstandy da aituymyzǧa bolady… Nazarbaev Qazaqstanǧa amerikandyqtardyŋ biolabaratoriia saluyna rūqsat berdı. Ukraina da būryn solai ıstegen. Esterıŋızde me? Nätijesı ne boldy?” ,- dedı Kesoian binematerialda.
Sondai-aq, ol KSRO taraǧannan keiın, täuelsızdık alǧan 15 el turaly aita kele, “täuelsızbın” degen İran, İrak, Iýgoslaviia, Auǧanstan elderınıŋ qazırgı küiıne toqtaldy.
“Men qorqytpaimyn, eskertemın! Būl nege aparady? Qazırgı Ukrainanyŋ qandai küige tüskenın eske alyŋyzdar! Kıtaptar, orys tılıne tyiym salu, ortaq merekelerdı alyp tastau, köşe attaryn özgertkennen ne şyqty? “, -dedı ol.
“Adyrna” ūlttyq portaly
