«Aq jol» bılımdı jastardyŋ elden ketuı men ŪBT-ǧa balama retınde qabyldau emtihandaryn engızu mäselesın köterdı. Fraksiianyŋ tiıstı deputattyq saualyn Mäjılıs deputaty Aigül Jūmabaeva jariialady, dep habarlaidy “Adyrna” ūlttyq portaly.
«Aq jol» fraksiiasynyŋ deputattary QR Premer-Ministrınıŋ orynbasary E. L. Toǧjanovqa ündeu joldady.
«Aq jolǧa» ŪBT jäne Ūlttyq testıleu ortalyǧyna qatysty mäseleler boiynşa ata-analar men mūǧalımder jügınude. Memlekettık käsıporyn 30 jyl būryn bılım beru sapasyn baǧalau räsımderın ūiymdastyru üşın qūrylǧan. Qazır būl saladaǧy absoliuttı monopolist. Soŋǧy uaqyttan berı ŪBT-nyŋ tehnikalyq bölıgı, onyŋ ışınde ärqaisysy 6 myŋ teŋgeden 4 synamalyq aqyly testıleu, Ortalyq belgısız bır sebeptermen «Iý-Stadi» jeke käsıpornyna tapsyrdy, būl jaŋa problemalardyŋ tuyndauyna alyp keldı”, delındı ündeude.
Olardyŋ aituynşa, «Iý-Stadi» testıleu punktterınıŋ köpşılıgı oblys ortalyqtarynda ornalasqan, al jol şyǧyndary ata-analarǧa jüktelgen. ŪBT tülekterdıŋ qorytyndy attestasiiasy emes ekenıne qaramastan, onyŋ nätijelerı mektep reitingıne äser etudı jalǧastyruda. Sondyqtan bıtıru synyby mūǧalımderge tölenbeitın ŪBT daiyndyq kursyna ainalatynyn aitty.
“Tarih pänı mūǧalımderı atap ötkendei, ūsynylǧan saittarda aqparat ŪBT bazasyna säikes kelmeidı, olardyŋ negızınde osy baza daiyndalyp jatqan naqty anyqtalǧan oqulyqtar da joq. Eger sabaqtarda olar balalarǧa sebep-saldar bailanysyn anyqtauǧa üiretse, onda ŪBT mäselelerınde bükıl tarih sifrlarda jäne ekınşı därejelı oqiǧalardyŋ mysalynda berılgen. ŪBT jäne mektep baǧdarlamalarynyŋ testtık bazasy ärtürlı mazmūnǧa ie. Barlyq pänder boiynşa osyndai eskertuler bar”,- dedı «Aq jol» fraksiiasynyŋ deputattary.
Būrynǧydai synaq ŪBT-da balalar özımen bırge ala alatyn testtıŋ qaǧaz nūsqasy joq ekenın jäne olar sūraqtardy este saqtai almaidy, al Iý-stadi kerı bailanys emes tek ūpai beretının aita kele, “qatelermen qalai jūmys ısteu kerek?” degen saual tastady.
“Eger tülek bızdıŋ ŪBT-ny tapsyra almasa, JOO-na tüse almaidy. Alaida, keibır mektepterde şetelde oqudy josparlaǧan «Altyn belgıge» ümıtkerler testıleuge baruǧa mındetteledı. ŪBT bızdıŋ tülekterımızdıŋ elden ketuınıŋ tıkelei sebebı ǧana emes, sonymen qatar üzdıkterge qysym jasau qūraly bolyp otyr. Bızdıŋ fraksiia ŪBT-nyŋ dauly sipaty, onymen bailanysty küizelıster men danyşpandar aǧyny problemasyn bırneşe ret kötergen bolatyn. Jyl saiyn myŋdaǧan daryndy balalar ŪBT-dan bas tartyp, şeteldık joǧary oqu oryndaryna ketıp qalady”,- dedı olar.
Joǧaryda aitylǧandarǧa bailanysty «Aq jol» fraksiiasy kelesını qajet dep sanaidy:
- Test tapsyrmalarynyŋ sapasyn jaqsartu, dūrys emes tapsyrmalardy alyp tastau üşın test tapsyrmalarynyŋ bazasyna qoljetımdılıktı aşu.
- Audan ortalyqtary men ırı kentterdegı testıleu punktterın qalpyna keltıru.
- ŪBT-dan basqa JOO-ǧa tüsu emtihandary arqyly tüsudıŋ balamaly nūsqasyn engızu.
«Aq jol» fraksiiasy memlekettık käsıporyndardyŋ jauapkerşılıgı men olardyŋ biudjetterınıŋ Parlament aldyndaǧy eseptılıgı mäselelerın ünemı köterıp otyrady. Osyǧan bailanysty, kelesı aqparatty ūsynudy sūraimyz:
1. Jyl saiyn Ūlttyq testıleu ortalyǧyna qandai soma jäne qandai maqsattarǧa bölınedı?
2. Jeke tūlǧalardyŋ şottaryna synaq testılerı üşın beiresmi aqşa jinau qandai negızde jürgızıledı?
Arman SERIKŪLY,
“Adyrna” ūlttyq portaly
