كاسىپكەر قايرات رەيموۆ الەۋمەتتىك جاعدايى تومەن جانە جالعىزباستى، كوپبالالى انالارعا 50 باسپانانى پايدالانۋعا بەردى، دەپ حابارلايدى “ادىرنا” ءتىلشىسى.
الەۋمەتتىك ءۇي “مەيىرىم مەكەنى” دەپ اتالادى. “ادىرنا” پورتالىنا بەرگەن سۇحباتىندا كاسىپكەر قايرات رەيموۆ:
“جالعىزباستى، كوپبالالى انالارعا ارنالعان وسىنداي جوبانى كوپتەن بەرى ويىمدا جۇرگەن ەدى. كىشكەنتايىمىزدان بىزدە تالاي قيىنشىلىق كوردىك، تاۋقىمەت تارتتىق. بۇگىندە اللاعا شۇكىر، قوعامعا پايداسى تيەتىن وسىنداي جوبامىز ىسكە استى” دەدى.
الەۋمەتتىك ءۇيدىڭ اۋلاسىندا ناۋرىز تويى اتالىپ ءوتتى.
ءىس-شاراعا بەلگىلى كاسىپكەرلەر، قايىرىمدىلىق قورلار، ونەر جۇلدىزدارى قاتىستى.
ءسابيت ابدىحالىقوۆ، سەيفۋللين جولبارىس، نۇرلان البان، نۇرلان ەسپانوۆ، “جىگىتتەر” توبى، “جىگەر” توبى ونەرپازدار ءوز ونەرلەرىن ورتاعا سالدى.
ۆيدەونى Telegram ارنامىزدان كورە الاسىز: https://t.me/adyrnaportal/3785
“ادىرنا” ۇلتتىق پورتالى
