"قازاقستان حالقىنا" قوعامدىق قورى باتىس قازاقستان وبلىسىنداعى مەكتەپ عيماراتىن زاماناۋي قۇرىلعىلارمەن جابدىقتاۋدى قامتاماسىز ەتتى. مەكتەپ عيماراتى جاڭاشا قۇبىلىپ، ءبىلىم بەرۋگە قاجەتتى يننوۆاتسيامەن جابدىقتالدى، دەپ حابارلايدى "ادىرنا" ۇلتتىق پورتالى.
قوعامدىق قوردىڭ قازاقستان حالقىنا دەنساۋلىق ساقتاۋ، ءبىلىم بەرۋ، الەۋمەتتىك قولداۋ جانە سپورت سالالارىندا قايىرىمدىلىق كومەك كورسەتۋمەن ەرەكشەلەنەدى. وسى ماقساتتا "قازاقستان حالقىنا" قورى مەكتەپ عيماراتىن زاماناۋي جابدىقتارمەن تولتىرىپ، ءبىلىم مەن عىلىمعا ۇمتىلعان تالاپكەر كوڭىلىنە قۋانىش سىيلادى.
ءبىلىم شاڭىراعىنداعى "اقىلدى تاقتا", حيميا-بيولوگيا زەرتحاناسى، فيزيكا قۇرالدارى شاكىرتتەردىڭ دۇنيەتانىمىن جەتىلدىرۋگە، ءىلىم جيناۋعا دەگەن قۇلشىنىسىن ارتتىرىپ، ونەرتاپقىشتىققا باستايتىنىنا ۇستازدار قاۋىمىنىڭ سەنىمى زور.
سپورت سىنىپتارى دا بالانىڭ فيزيكالىق تۇرعىدان دامۋىنا قاجەتتى قۇرالدارمەن جابدىقتالدى. يگى ىستەردىڭ جاراسىمىندا جەتىلەتىن بۇلدىرشىندەردىڭ قۋانىشىندا شەك جوق.
"ادىرنا" ۇلتتىق پورتالى
